სამართალი

შალვა ნათელაშვილმა ირაკლი კობახიძეს წერილი გაუგზავნა

ლეიბორისტული პარტიის ლიდერმა შალვა ნათელაშვილმა, სახელმწიფო საკონსტიტუიო კომისიის თავმჯდომარეს ირაკლი კობახიძეს წერილი გაუგზავნა.

ნათელაშვილის თქმით, წერილის გაგზავნის მიზანი ის არის, რომ ქვეყნის ძირითადმა კანონმა დაიცვას ყველა ადამიანი და არა მხოლოდ მდიდრები.

როგორც ნათელაშვილმა პრესკონფერენციაზე აღნიშნა, კონსტიტუცია ხალხზე უნდა იყოს მორგებული და არა მთავრობაზე.

ის მთავარ აქცენტს შრომის, ჯანდაცვისა და განათლების მიღებაზე აკეთებს.

„კონსტიტუცია, რომელიც არ იცავს ადამიანებს სიღატაკისგან და სოციალური უსამართლობისგან, წარმოადგეს ფარატინა ქაღალდს. სწორედ ამიტომ, შესაბამის სახელმწიფო კომისიაში ჩვენს მიერ გაიგზავნა წინადადებები. რათა ერთხელ და სამუდამოდ ძირითადმა კანონმა დაიცვას ყველა ადამიანი და არა მხოლოდ გამდიდრებული კასტა“,-განაცხადა შალვა ნათელაშვილმა.

მონიკა დავლიანიძე