პოლიტიკა

საზოგადოებამ მმართველ გუნდს მისცა სიგნალი, რომ ის უკმაყოფილოა „ქართული ოცნების“ უკონტროლო და ერთპიროვნული მმართველობით - ელენე ხოშტარია

„ევროპული საქართველოს“ ერთ-ერთი ლიდერის, ელენე ხოშტარიას განცხადებით, „ქართული ოცნება“ ოპოზიციასთან კონსულტაციების გამართვას არ აპირებს, რაც იმას ნიშნავს, რომ მათ საზოგადოების გზავნილი არ მიიღეს.

ხოშტარიამ პროპორციული სისტემით არჩევნების ჩატარებისა და ამ საკითხზე დიალოგის აუცილებლობაზე ისაუბრა. მან მოუწოდა მმართველ გუნდს, იმსჯელოს ოპონენტებთან ამ საკითხებზე, რადგან მისი თქმით, მნიშვნელოვანია მომდევნო არჩევნები პროპორციული წესით ჩატარდეს.

„აბსოლუტურად არანაირი სიგნალი არ მიუღიათ საზოგადოებისგან ამ არჩევნებზე. საზოგადოებისგან, რომლის ძალიან დიდი ნაწილი არის განწყობილი საპროტესტოდ და ეს სიგნალი მათ მისცა საზოგადოებამ, რომ საზოგადოება უკმაყოფილოა „ქართული ოცნების“ უკონტროლო და ერთპიროვნული მმართველობით. მათ ვერ გაიგეს, რომ ყველა მინუს „ქართული ოცნება“ ელოდება ისეთი ტიპის არჩევნებსა და ისეთი ტიპის ხელისუფლების ცვლილებას, სადაც ვერავინ ვერ იქნება შეუზღუდავი, უკონტროლო და მით უმეტეს ერთი ადამიანის სურვილით მოქმედი პოლიტიკური ძალა“,- აღნიშნა ხოშტარიამ.