პოლიტიკა

სავალალო ის არის, რომ ყოველ ახალ მინისტრს აქვს ახალი ხედვა და ჩვენი ბავშვები, პედაგოგები და მშობლები მუდმივ რეჟიმში არიან ექსპერიმენტის მონაწილეებად - ნატო ჩხეიძე

ხედვა, შესაძლოა კარგიც იყოს, მაგრამ , სავალალო ის არის, რომ ყოველ ახალ მინისტრს აქვს ახალი ხედვა და ჩვენი ბავშვები, პედაგოგები და მშობლები მუდმივ რეჟიმში არიან ექსპერიმენტის მონაწილეებად, რადგან მინისტრები ხშირად იცვლებიან, - ამის შესახებ პარლამენტის წევრამა ნატო ჩხეიძემ პლენარულ სხდომაზე განაცხადა.

ნატო ჩხეიძემ განათლების, მეცნიერების, კულტურისა და სპორტის მინისტრს მიმართა:

„თქვენ ბრძანეთ, რომ გაქვთ თქვენი ხედვა და ის ექსპერიმენტის სახით ინერგება სკოლებში.

ხედვა, შესაძლოა კარგიც იყოს, მაგრამ, სავალალო ის არის, რომ ყოველ ახალ მინისტრს აქვს ახალი ხედვა და ჩვენი ბავშვები, პედაგოგები და მშობლები მუდმივ რეჟიმში არიან ექსპერიმენტის მონაწილეებად, რადგან მინისტრები ხშირად იცვლებიან.

გამოცდების გაუქმების უეცარი ცვლილების გამო შეშფოთებულმა მშობლებმა ისიც კი მომწერეს, გვიშველეთ რამე, ბავშვებმა წიგნები დახიეს და დწვესო მომეტებული სიხარულისაგანო.

ასეთი მკვეთრი ცვლილებების გამოცხადებამდე მომავალში იქნებ უკეთესი იყოს ასე ვთქვათ შეგუებითი პერიოდის არსებობა, თუნდაც საზოგადოების სამსჯავროზე გამოტანით ასეთი მგრძნობიარე საკითხებისა.

თქვენს მოხსენებაში ბრძანეთ, რომ ტექნიკურ მიმართულებაში არ არის საჭირო ჰუმანიტარული გამოცდების ჩაბარება, ეს ნიშნავს იმას, რომ ტექნიკურ მიმართულებებზე არ უნდა ჩააბარონ ქართული? რაც ნამდვილად არ იქნება კარგი და სწორი.

და მეორე: ჰუმანიტარულ მიმართულებებზე ისტორიის ჩაბარებისას აპირებთ თუ არა ისტორიის სახელმძღვანელოების გადახალისებას, რადგან აშკარად შეინიშნება ისტორიის გაყალბების და ფალსიფიცირების გარკვეული ეპიზოდები შესაბამისი დროების მმართველი პოლიტიკური ძალის შეხედულებების შესაბამისად.

და მესამე, როცა ბრძანებთ პედაგოგთა ხელფასების გაზრდაზე, ეს ეხება მხოლოდ სკოლის პედაგოგებს თუ უმაღლესი სასწავლებლის პედაგოგებს და მეცნიერებსაც ? „ _ განაცხადა ნატო ჩხეიძემ.