პოლიტიკა

საშინაო ვალის პრობლემის გადასაჭრელად მუშაობა მიმდინარეობს - მამუკა ბახტაძე

პრემიერ-მინისტრ მამუკა ბახტაძის შეფასებით, საშინაო ვალის პრობლემის გადაჭრას გარკვეული სტრატეგია სჭირდება და ამჟამად მასზე მუშაობა მიმდინარეობს.

როგორც ბახტაძემ მთავრობის სხდომაზე განაცხადა, მიმდინარეობს მუშაობა ფინანსთა სამინისტროს მხრიდან, ასევე საერთაშორისო ორგანიზაციებთან, რომ შემუშავდეს ხედვა და ეს საკითხი მოგვარდეს.

„შიდა ვალი გახლავთ ძალიან დიდი გამოწვევა და ბუნებრივია და არასერიოზული იქნება დღეს თქვენ ჩემგან გაიგოთ, რომ ამ მიმართულებით არსებობს რესურსი, რომ ეს პრობლემა ერთი ხელის მოსმით გადავჭრათ, მაგრამ ამ საკითხს აუცილებლად სჭირდება გრძელვადიანი სტრატეგიის ქონა, რომ ამ პრობლემას გავუმკვალდეთ. ამ მიმართულებით ფინანსთა სამინისტროს აქვს შესაბამისი დავალება და საერთაშორისო ფინანსური ინსტიტუტებიც ამ მიმართულებით დაგვეხმარებიან, რომ ეს სტრატეგია შეიქმნას, მაგრამ რაც შეეხება ამ პრობლემის გადაჭრას მოკლე ვადაში, ჩვენ ამის ილუზია არ უნდა გვქონდეს“,- განაცხადა ბახტაძემ.