სამართალი

სასამართლომ „პანორამა თბილისის“ მშენებლობასთან დაკავშირებით საია-ს სარჩელი არ დააკმაყოფილა

თბილისის საქალაქო სასამართლომ არ დააკმაყოფილა „პანორამა თბილისის“ მშენებლობასთან დაკავშირებით ახალგაზრდა იურისტთა ასოციაციის სარჩელი.

მოსამართლემ მოპასუხე მხარის შეუამდგომლობა გაიზიარა, იმასთან დაკავშირებით, რომ საია-მ მშენებლობის ნებართვის გასაჩივრების ვადები დაარღვია.

როგორც ეკონომიკის სამინისტროსა და თბილისის მერიის არქიტექტურის სამსახურის წარმომადგენლებმა აღნიშნეს, 2015 წელს გაცემული ნებართვები 1 თვის ვადაში უნდა გასაჩივრებულიყო.

თავის მხრივ, საია-ს იურისტის განცხადებით, მათ სარჩელი 2016 წლის სექტემბერში მას შემდეგ შეიტანეს, როდესაც ის რუკები აღმოაჩინეს, რომლის მიხედვითაც, მშენებლობისთვის გამოყოფილი ტერიტორია ისტორიული ლანდშაფტის დაცვის ზონაში შედის. თუმცა, სასამართლომ მათი არგუმენტები არ გაიზიარა. არასამთავრობო ორგანიზაცია გადაწყვეტილების სააპელაციო წესით გასაჩივრებას გეგმავს.

საია ორ სამშენებლო ნებართვას აპროტესტებდა. საქმე ეხება, სოლოლაკის მაღლობსა და სოლოლაკის ბაღების სასტუმრო კომპლექსის მშენებლობას.

არასამთავრობო ორგანიზაციაში აცხადებენ, რომ აღნიშნული ტერიტორია ისტორიული ლანდშაფტის დაცვის ზონაში მდებარეობს და იქ ამ ტიპის მშენებლობა კანონით არის აკრძალული.