სამართალი

სასამართლომ ალექსანდრე ელისაშვილს ეკა ბესელიასთვის 1000 ლარის გადახდა დააკისრა

თბილისის საკრებულოს დამოუკიდებელ დეპუტატს ალექსანდრე ელისაშვილს ეკა ბესელიასთვის 1000 ლარის გადახდა და ბესელიას მისამართით გაკეთებული განცახდეის უარყოფა დაეკისრა.

შესაბამისაი გადaწყვეტილება თბილისის საქალაქო სასამარლომ გამოიტანა.

თუმცა, როგორც ელისაშვილმა სასამართლოს გადაწყვეტილების კომენტირებისას აღნიშნა, ის არაფრის გადაახდას არ აპირებს.

„მე მექრთამისთვის არაფრის გადახდას ვაპირებ“, - განაცხადა დეპუტატმა.

მისი თქმით, ის რომ ეკა ბესელიამ თავისი მორალი და ღირსება 20 500 ლარად შეაფასა, ხოლო სასამართლომ ეს თანხა 1000 ლარამდე ჩამოსწია, „ამ ფაქტით კარგად ერთობა“.

საკრებულოს დამოუკიდებელი დეპუტატის განცხადებით, აღნიშნული გადაწყვეტილებით მისი შეშინება სურთ.

„სასამართლოს გადაწყვეტილებით კიდევ ერთხელ დადასტურდა, რომ ხელისუფლებას ბოლომდე ლაგამი აქვს ამოდებული სასამართლოსთვის და ამით იმის ჩვენება სურთ, რომ თუ ვინმე გაბედავს „ოცნების“ მექრთამეებზე ხმის ამოღებას, მათაც ისევე მოექცევა სასამართლო და პროკურატურა, როგორც მას", -აღნიშნა ელისაშვილმა.

ელისაშვილი გადაწყვეტილების გასაჩივრებას გეგმავს.

საქართველოს პარლამენტის იურიდიული კომიტეტის თავმჯდომარე ეკა ბესელია თბილისის საკრებულოს დამოუკიდებელ დეპუტატს ალეკო ელისაშვილს უსაფუძვლო ბრალდებების წაყენებისთვის სასამართლოში უჩივლა.

მორალური ზიანის ასანაზღაურებლად ბესელია 20 500 ლარის გადახდას ითხოვა.

მონიკა დავლიანიძე