სამართალი

სასამართლო სისტემის რეფორმა ე.წ მესამე ტალღით არ უნდა დასრულდეს - კახა სოფრომაძე

იუსტიციის უმაღლესი საბჭოს წევრის, კახა სოფრომაძის განცხადებით, საჭიროა, რომ სასამართლოს სისტემის რეფორმა ე.წ მესამე ტალღით არ დასრულდეს.

როგორც სოფრომაძემ პრესკონფერენციაზე აღნიშნა, პრეზიდენტს კანონპროექტზე ვეტო არ უნდა დაედო, მისი მოტივირებული შენივნები კი, მომდევნო ეტაპში უნდა ასახულიყო.

„პრეზიდენტის მოტივირებულ შენიშვნებში ბევრი რამე საყურადღებოა და არ ვფიქრობ, რომ სასამართლო რეფორმა მესამე ტალღით უნდა დასრუდლეს. ვფიქრობ, რომ ძალიან მალე პარლამენტს ექნება შესამუშავებელი ახალი კანონპროექტები და მათ შორის შესაძლებელია, რომ გათვალისწინებული იყოს პრეზიდენტის მოტივირებული შენიშვნებიც, რომ კიდევ უფრო სრულყოფილი გახდეს სასამართლო სისტემა. რეფორმების მესამე ტალღაზე მუშაობა დაახლოებით ორი წელია მიმდინაროებს, შესაბამისად, გარკვეული ცვლილებები სისტემურად მოხდა სასამართლო სისტემაში. ახალ გამოწვევებზე ცვლილებები კიდევ არის განსახორციელებელი, ვიდრე ეს მესამე ტალღის პროექტში იყო. მე მაგალითად ვიფიქრებდი, რომ ვეტო არ დადებულიყო და შემდგომი ცვლილებით ასახულიყო ის მოტივირებული ცვლილებები“,-აღნიშნა სოფრომაძემ.

მონიკა დავლიანიძე