პოლიტიკა

სასამართლო რეფორმა არასწორად ვითარდება - ანა ნაცვლიშვილი

არასამთვარობო ორგანიზაციებმა „საქართველოს ახალგაზრდა იურისტთა ასოციაციამ“ და „საერთაშორისო გამჭვირვალობა-საქართველომ“ პროტესტის ნიშნად იუსტიციის უმაღლესი საბჭოს მონიტორინგის შედეგები არ წარადგინეს.

საიას თავმჯდომარის, ანა ნაცვლიშვილის განცხადებით, არაადეკვატურია მშვიდად საუბარი იმაზე, თუ როგორ ინგრევა სასამართლო სისტემა. გარდა ამისა, ნაცვლიშვილისთვის მიუღებელია ხელისუფლების გზავნილი, რომ სასამართლოში არსებული ხარვეზების მიუხედავად, სისტემაში რეფორმები ტარდება.

ნაცვლიშვილის თქმით, სისტემა არასწორად ვითარდება, რაზეც პასუხისმგებლობა პოლიტიკურმა გუნდმა უნდა აიღოს.

„რეფორმა არ დგას სწორ გზაზე, ეს არის ძალიან ცხადი და ნათელი და ამაზე პასუხისმგებლობა უნდა აიღოს პოლიტიკურმა გუნდმა, საკანონმდებლო ორგანომ, რომელიც წლებია ახორციელებს რეფორმებს, მაგრამ მარტივ კითხვაზე, რა შეცვალა რეფორმის სამმა ტალღამ, პასუხი არის არაფერი“, - განაცხადა საიას თავმჯდომარემ.

ნაცვლიშვილმა აღნიშნა, რომ სააპელაციო სასამართლოს თავმჯდომარედ მიხეილ ჩინჩალაძის დანიშვნით ნათლად გამოჩნდა, ვის უჭერს მხარს ხელისუფლება.

საია და „საერთაშორისო გამჭვირვალობა-საქართველო“ პარლამენტში შეხვედრებსა და რეფორმაზი მუშაობას ითხოვენ.

ანა მებურიშვილი