პოლიტიკა

„საქნახშირის“ წარმოების დირექტორი, შახტის დირექტორი და მთავარი ინჟინერი გაათავისუფლეს

„საქნახშირის“ წარმოების დირექტორმა გია ქარქაშაძემ, შახტის დირექტორმა აკაკი ახვლედიანმა და მთავარმა ინჟინერმა გიზო კირკიტაძემ თანამდებობები დატოვეს. ინფრომაციას პირველი არხი ავრცელებს.

„საქნახშირის“ გენერალური დირექტორის, ჯამბულ ჯაყელის თქმით, ის თანამდებობას კომპანიასი ტექნიკური სამუშაოებისა და კვლევის დასრულების შემდეგ დატოვებს.

„საქნახშირის“ პირველადი პროფესიული კავშირის თავმჯდომარემ გაგა ისაკაძემ განაცხადა, რომ ისინი პრემიერ-მინისტრ მამუკა ბახტაძისგან ითხოვენ ოფიციალურ დოკემენტს, რომელიც კომპენსაციებს ეხებოდა. მან აღნიშნა, რომ გამოძიების დასრულების შემდეგ შახტებში ახალი ტექნოლოგიები უნდა დაინერგოს.

დღეს ტყიბულში მეშახტეები აქციას მართავენ. ისინი „საქნახშირის“ ადმინისტარციის შეცვლას, მინდელის შახტში მომხდარი ტრაგედიის ობიექტურ გამოძიებასა და დამნაშავეების დასჯას, შახტების დროებით კონსერვაციასა და ამ დროის განმავლობაში მათი ხელფასით უზრუნველყოფას, ასევე სამუშაო ობიექტების მოდერნიზებას.

აქციის მონაწილეებმა განაცხადეს, რომ სურთ პრემიერ-მინისტრ მამუკა ბახტაძესთან შეხვედრა პროფკავშირის, „საქნახშირის“ ადმინისტრაციისა, მეშახტეების დაკომპლექტებული ჯგუფისა და მთავრობის წარმომადგენელთა მონაწილეობით, ასევე დოკუმენტის შექმნა, რომლითაც დაკმაყოფილდება ყველა ზემოთ ჩამოთვლილი მოთხოვნა.

აქციაზე მივიდა ტყიბულის მერი თემურ ჩუბინიძე, რომლის თქმით, ის ტელეფონით ესაუბრა „საქნახშირის“ დირექტორ ჯამბულ ჯაყელს. ჯაყელმა განუცხადა ქალაქის თავს, რომ მეშახტეთა მოთხოვნები დღეს დაკმაყოფილდება და აქციის მონაწილეტა მიერ დასახელებული ყველა თანამდებობის პირი გათავისუფლდება თანამდებობებიდან.

ერთი კვირის წინ მინდელის სახელობის შახტში 4 ადამიანი დაიღუპა, ხოლო 6 დაშავდა. შსს-ის გამოძიების პირველადი ინფორმაციით, შახტის ერთ-ერთ გვირაბში, სავარაუდოდ მეთანის აფეთქების შედეგად კედლების დეფორმაციას ჭერის ჩამოშლა მოჰყვა.

შსს გამოძიებას სსსკ-ის 240-ე მუხლიდ მეორე ნაწილით აწარმოებს.