კომენტარი

საქართველოში სამხედრო ტექნიკის გადაადგილებაზე მხოლოდ მტერი ისაუბრებს-ზურაბ ალავიძე

საქართველოს რეგიონული განვითარებისა და ინფრასტრუქტურის მინისტრი ზურაბ ალავიძე ნაციონალური მოძრაობის მიერ გუშინ გაკეთებულ განცხადებას გამოეხმაურა.

ნუგზარ წიკლაურმა ბრიფინგზე განაცხადა, რომ ბოლნისის რაიონში რუსულ ნომრიანი სატვირთოები გადაადგილდება, რომლებსაც, სავარაუდოდ, წიკლაურის თქმით, სომხეთში სამხედრო ტექნიკა გადააქვთ.

ზურაბ ალავიძის თქმით, ამგვარ ინფორმაციას მხოლოდ მტერი თუ გაავრცელებს, რომელსაც სურს, რომ საქართველოს მეზობლებთან ურთიერთობა გაუფუჭდეს.

„საქართველოს მტერი ავრცელებს ამას, რომ ჩვენ მეზობლებთან ურთიერთობა დაგვეძაბოს და კიდევ ერთხელ გიმეორებთ, საქართველოში არც ერთი უცხოური, ან რაიმე სხვა ტიპის სამხედრო ტექნიკა არ გადაადგილდებოდა. აღნიშნული ინფორმაცია არის სიცრუე“,-აღნიშნა მინისტრმა.

ამასთან, გუშინ სომხეთის უსაფრთხოების სამსახურმა განცხადება გაავრცელა, რომ მიღებული ოპერატიული ინფორმაციის საფუძველზე, რესპუბლიკაში „იგლას“ შეტანა აღკვეთა, რომელიც, სომხეთის ძალოვანი უყრების ინფორმაციით, საქართველოდან მოდიოდა.

მონიკა დავლიანიძე