მსოფლიო

სომხეთის უსაფრთხოების სამსახური საქართველოდან „იგლას“ შეტანის მცდელობის ფაქტს გამოეხმაურა

სომხეთის ეროვნული უსაფრთხოების სამსახურის განცხადებით, უწყებამ მიმდინარე წლის მარტში, მიიღო ინფორმაცია, რომ საქართველოს გავლით ქვეყანაში კონტრაბანდული გზით, სარაკეტო-საზენიტო დანადგარები „იგლა“-ს შეტანა იგეგმება.

„2017 წლის მარტში წინასწარი ინფორმაცია მოვიპოვეთ, რომ საქართველოს გავლით სომხეთის რესპუბლიკაში კონტრაბანდული სარაკეტო-საზენიტო დანადგარი „იგლა“ უნდა შემოსულიყო.

საგამოძიებო და ოპერატიულ სადაზვერვო ღონისძიებების ჩატარების შედეგად „იგლა“ იქნა ამოღებული.

22 მარტს სომხეთის რესპუბლიკის ეროვნულმა უსაფრთხოების სამსახურმა სისხლის სამართლის კოდექსის 235 და 235 პუნქტებით დაიწყო გამოძიება.

მომხდართან დაკავშირებით ორი პირია დაკავებული.

გამოძიება გრძელდება, ყველა ზომაა მიღებული, რომ სხვა პირების გამოვლენა მოხდეს, რომლებიც შეიძლება იყვნენ კავშირში იარაღის უკანოანო მოპოვებაზე“,- ნათქვამია განცხადებაში, რომელსაც უწყების პრესსამსახური ავრცელებს და ვებ-გვერდზეა განთავსებული.

მოგივიანებით უწყების პრესსამსახურმა კიდევ ერთი განცხადება გაავრცელა, სადაც ნათქვამია, რომ საქმესთან დაკავშირებით დაკავებულია მთიანი-ყარაბაღის ყოფილი თავდაცვის მინისტრი სამველ ბაბაიანი.

უწყების ინფორმაციით, ჩატარებული საგამოძიებო და ოპერატიული ქმედებების შედეგად დადგინდა,რომ პირები, რომლებიც „იგლას“ შეტანას სომხეთში ცდილობდნენ, სწორედ ბაბაიანის თანხმობითა და მისი დაკვეთით მოქმედებდნენ.

მონიკა დავლიანიძე