პოლიტიკა

საქართველოში ნატო-ს სამხედრო სწავლების მიზანია მილიტარისტული განწყობების გაღვივება და დაძაბულობის ესკალაცია - მარია ზახაროვა

რუსეთის საგარეო უწყების ოფიციალური წარმომადგენლის, მარია ზახაროვას განცხადებით, საქართველოში მიმდინარე ნატო-ს სამხედრო სწავლება მილიტარისტულ განწყობებს ასაზრდოებს.

„ვერ დავეთანხმებით საქართველოს თავდაცვის სამინისტროს განცხადებას, რომ ეს სწავლება მიმართულია შავი ზღვის რეგიონის უსაფრთხოების უზრუნველსაყოფად. სტაბილურობა და უსაფრთხოება კონსტრუქციული დიალოგია და არა ვერტმფრენები და ტანკები“, -აღნიშნა ზახაროვამ.

მან დაამატა, რომ „აშკარაა, რომ მათი ნამდვილი მიზანია, ძალისმიერი ზეწოლის პროეცირება, უპირველეს ყოვლისა, სამხრეთ ოსეთზე, აფხაზეთსა და რუსეთზე“.

ზახაროვას მტკიცებით, ამ სწავლების შედეგი იქნება „მილიტარისტული განწყობების გაღვივება და დაძაბულობის ესკალაცია“.

მისივე თქმით, მოსკოვი წუხს, რომ „სხვადასხვა საბაბით ამ სწავლებაში აღმოჩნდნენ ჩართული საქართველოს მეზობელი ქვეყნები“.

მრავალეროვნული სწავლება „ღირსეული პარტნიორი 2018“ 1-ელ აგვისტოს გაიხსნა და 15 აგვისტოს დასრულდება.