პოლიტიკა

საქართველოში 33 000 ადამიანს ეკონომიკური მდგომარეობა შეუმსუბუქდება - ზვიად ძიძიგური

დედოლარიზაცია მხოლოდ საქართველოში არ ხორციელდება, აღმოსავლეთ ევროპის ყველა ქვეყანამ განახორციელა, – ამის შესახებ პრესკონფერენციაზე უმრავლესობის წევრმა, ზვიად ძიძიგურმა განაცხადა.

მისი ინფორმაციით, ლარი, დედოლარიზაციის გარდა, მოსახლეობის ინტერესების გათვალისწინებას გაამყარებს და აამაღლებს ეროვნული ვალუტის იმიჯსაც.

„დედოლარიზაციის გეგმა მიმართულია იმ მოქალაქეების ინტერესების დასაცავად, რომლებიც 2015 წლამდე დაზარალდნენ, რადგან დოლარის და ლარის მიმართება იყო სრულიად სხვა პროპორციით.

33 000 ადმიანს ჰქონდა სესხი დოლარში და ამ პროექტის მეშვეობით ექნებათ ლარში და ამ ადამიანების მდგომარეობა შემსუბუქდება, ასევე ლარის, როგორც ეროვნული ვალუტის იმიჯი გამყარდება. არცერთი ფაქტორი აღარ მოქმედებს, რომელიც ლარის გაუფასურებას შეუწყობს ხელს. მეტი არის წინა წლებთან შედარებით ტურისტული ზრდის და უცხოური ინვესტიციის შემოსვლის მაჩვენებელიც,“-განაცხადა ზვიად ძიძიგურმა პრესკონფერენციაზე.