პოლიტიკა
საქართველოსა და ახალი ზელანდიის საგარეო საქმეთა სამინისტროებს შორის პოლიტიკური კონსულტაციები გაიმართა
საქართველოსა და ახალი ზელანდიის საგარეო საქმეთა სამინისტროებს შორის ორმხრივი პოლიტიკური კონსულტაციების მე-2 რაუნდი გაიმართა. შეხვედრის ფარგლებში მხარეებმა მიმოიხილეს ორმხრივი თანამშრომლობის საკითხები და ურთიერთობის გაღრმავების შესაძლებლობები.
საქართველოს საგარეო საქმეთა სამინისტროს ინფორმაციით, განსაკუთრებული ყურადღება დაეთმო სავაჭრო-ეკონომიკურ ურთიერთობებს და ამ სფეროში თანამშრომლობის არსებულ პოტენციალს.
საქართველოს დელეგაციამ გამართა პრეზენტაცია საქართველოს ეკონომიკაში მიღწეული შედეგებისა და ქვეყანაში განხორციელებული რეფორმების შესახებ. მხარეებმა დააფიქსირეს მზადყოფნა, ხელი შეუწყონ ახალ ზელანდიაში საქართველოს ბიზნეს გარემოს მიმზიდველობის და საინვესტიციო შესაძლებლობების პოპულარიზაციას. ქართულმა მხარემ ხაზი გაუსვა ეროვნულ ინფრასტრუქტურულ პროექტებში კერძო სექტორის მონაწილეობის მნიშვნელობას. საუბარი, აგრეთვე შეეხო განათლების და კულტურის სფეროში ორმხრივი თანამშრომლობის გაღრმავებასა და ხალხთაშორისი კავშირების განმტკიცებას.
შეხვედრაზე განხილული იქნა მრავალმხრივი და რეგიონული თანამშრომლობის ფორმატები. ახალ ზელანდიურ მხარეს მიეწოდა სრული ინფორმაცია რუსეთის მიერ საქართველოს ოკუპირებულ ტერიტორიებზე არსებული ვითარების შესახებ და კონფლიქტის მოსაგვარებლად მიმდინარე სამშვიდობო პოლიტიკის თაობაზე, რომელსაც ახორციელებს საქართველოს ხელისუფლება, ასევე - საქართველოს ევროპული და ევროატლანტიკური ინტეგრაციის გზაზე არსებულ პერსპექტივებზე. თავის მხრივ, ახალ ზელანდიურმა მხარემ დააფიქსირა საქართველოს სუვერენიტეტის, ტერიტორიული მთლიანობის და არაღიარების პოლიტიკისადმი ურყევი მხარდაჭერა.
მხარეებმა ასევე აღნიშნეს ორ ქვეყანას შორის დიპლომატიური ურთიერთობების დამყარების 25 წლისთავის მნიშვნელობა და მიმოიხილეს საიუბილეო თარიღის აღნიშვნასთან დაკავშირებული ღონისძიებები. მხარეებმა გაცვალეს საგარეო საქმეთა მინისტრების 25 წლის იუბილესთან დაკავშირებით მისალოცი წერილები. თანამშრომლობის შემდგომი გაღრმავების პროცესში ხაზი გაესვა მაღალი დონის ვიზიტების გაცვლის მნიშვნელობას.
პოლიტიკურ კონსულტაციებზე საქართველოს მხრიდან დელეგაციას ხელმძღვანელობდა საგარეო საქმეთა მინისტრის მოადგილე დავით ჯალაღანია, ახალი ზელანდიის მხრიდან საგარეო საქმეთა სამინისტროს მუდმივი მდივნის მოადგილე ჯეფრი ლენგლი.
პოლიტიკური კონსულტაციების მორიგი მე-3 რაუნდის გამართვა 2018 წელს ქ. თბილისში იგეგმება.
საკვანძო სიტყვები:
საქართველოში დღეს გვყავს პროტესტში მყოფი ადამიანთა ჯგუფი, რომლებსაც, დიახ, წაართვეს ქართველობა - შალვა პაპუაშვილი
24 მარტი, 2026 , 13:04
ვუკრძალავ ნებისმიერ ადამიანს ჩემს თავისუფლებასა და პატიმრობაზე რაიმე სახის დიალოგს, მოლაპარაკებას, სიტყვის წარმოთქმასაც კი, გასაკვირია, რომ ეს პოზიცია ქვეყნის გარეთ უფრო კარგად გაიგეს - ელენე ხოშტარია
17 მარტი, 2026 , 15:20
ჩვენ დიდი ხანია, ვსაუბრობთ, რომ ბოლო წლებში ასეულობით მილიონი დაიხარჯა ქვეყანაში მოღალატეობრივი ქსელის შესაქმნელად - კახა კალაძე
17 მარტი, 2026 , 13:18
უნდა შეწყდეს ბრიუსელიდან და ევროკავშირის სხვა დედაქალაქებიდან მომდინარე დეზინფორმაცია, პარტნიორობა შეუძლებელია იქ, სადაც, სიმართლის ნაცვლად, პოლიტიკური ნარატივები დომინირებს - შალვა პაპუაშვილი
17 მარტი, 2026 , 13:15
ბიძინა ივანიშვილი არის მმართველი გუნდის საპატიო თავმჯდომარე და ბუნებრივია, ჩვენ ყველა ერთად ვინაწილებთ პასუხისმგებლობას - ირაკლი კობახიძე
17 მარტი, 2026 , 09:21
ერთი ფაქტი მოგვაწოდეთ, სადაც იყო კორუფციული გადაცდომა, თუ არ გვექნება ეფექტური რეაგირება, მერე ვილაპარაკოთ - ირაკლი კობახიძე
17 მარტი, 2026 , 09:14
