პოლიტიკა
საქართველოს სახალხო დამცველმა აშშ-ში შეხვედრები გამართა
საქართველოს სახალხო დამცველმა უჩა ნანუაშვილმა ამერიკის შეერთებულ შტატებში ვიზიტის ფარგლებში შეხვედრები გამართა ამერიკის სახელმწიფო დეპარტამენტის ევროპისა და აზიის ბიუროს წარმომადგენელთან ბრიჯიტ ბრიკთან, ამერიკის სახელმწიფო დეპარტამენტის ადამიანის უფლებების, შრომისა და დემოკრატიის ბიუროს უფროსთან მიშელ კოზაკთან, ამერიკის სახელმწიფო დეპარტამენტის, იუსტიციის დეპარტამენტისა და აშშ-ს საერთაშორისო განვითარების სააგენტოს (USAID) წარმომადგენლებთან.
სახალხო დამცველის აპარატის ინფორმაციით, სახალხო დამცველი ასევე შეხვდა კონგრესმენ დევიდ ფრაის, აშშ-ს თავდაცვის დეპარტამენტის გენშტაბის საგარეო პოლიტიკურ მრჩეველს რიჩარდ ნორლანდს, მარშალის ფონდის უფროს მკვლევარს ჯონათან კატს და მსოფლიო ბანკის წარმომადგენლებს.
სახალხო დამცველმა დეტალური ინფორმაცია მიაწოდა საქართველოში ადამიანის უფლებების მიმართულებით არსებულ პოზიტიურ ცვლილებებსა და გამოწვევებზე.
სახალხო დამცველმა ყურადღება გაამახვილა სასამართლო სისტემაში არსებულ ხარვეზებზე, პოლიციის მხრიდან სავარაუდო არასათანადო მოპყრობის ფაქტების გამოძიების გაჭიანურებაზე, დამოუკიდებელი საგამოძიებო მექანიზმის შექმნის აუცილებლობაზე, საკონსტიტუციო რეფორმისა და შრომის უსაფრთხოების საკითხებზე. საუბარი შეეხო გახმაურებულ საქმეებსაც, დეტალური კითხვები დაისვა ამერიკული მხარის მიერ მუხთარლის საკითხთან დაკავშირებით.
განიხილეს ასევე ოკუპირებულ ტერიტორიებზე არსებული უფლებრივი მდგომარეობა, ქართული ენის სწავლების შეზღუდვის ტენდენცია და გამყოფ ხაზზე საქართველოს მოქალაქეების დაკავების შემთხვევები.
სახალხო დამცველმა ვაშინგტონის ოფიციალურ პირებთან შეხვედრისას ისაუბრა დისკრიმინაციის შესახებ მიღებული კანონის იმპლემენტაციაზე, უმცირესობების უფლებების დარღვევის ფაქტებზე, გენდერული თანასწორობის კუთხით არსებულ მდგომარეობასა და სხვა საკითხებზე.
საკვანძო სიტყვები:
საქართველოში დღეს გვყავს პროტესტში მყოფი ადამიანთა ჯგუფი, რომლებსაც, დიახ, წაართვეს ქართველობა - შალვა პაპუაშვილი
24 მარტი, 2026 , 13:04
ვუკრძალავ ნებისმიერ ადამიანს ჩემს თავისუფლებასა და პატიმრობაზე რაიმე სახის დიალოგს, მოლაპარაკებას, სიტყვის წარმოთქმასაც კი, გასაკვირია, რომ ეს პოზიცია ქვეყნის გარეთ უფრო კარგად გაიგეს - ელენე ხოშტარია
17 მარტი, 2026 , 15:20
ჩვენ დიდი ხანია, ვსაუბრობთ, რომ ბოლო წლებში ასეულობით მილიონი დაიხარჯა ქვეყანაში მოღალატეობრივი ქსელის შესაქმნელად - კახა კალაძე
17 მარტი, 2026 , 13:18
უნდა შეწყდეს ბრიუსელიდან და ევროკავშირის სხვა დედაქალაქებიდან მომდინარე დეზინფორმაცია, პარტნიორობა შეუძლებელია იქ, სადაც, სიმართლის ნაცვლად, პოლიტიკური ნარატივები დომინირებს - შალვა პაპუაშვილი
17 მარტი, 2026 , 13:15
ბიძინა ივანიშვილი არის მმართველი გუნდის საპატიო თავმჯდომარე და ბუნებრივია, ჩვენ ყველა ერთად ვინაწილებთ პასუხისმგებლობას - ირაკლი კობახიძე
17 მარტი, 2026 , 09:21
ერთი ფაქტი მოგვაწოდეთ, სადაც იყო კორუფციული გადაცდომა, თუ არ გვექნება ეფექტური რეაგირება, მერე ვილაპარაკოთ - ირაკლი კობახიძე
17 მარტი, 2026 , 09:14
