პოლიტიკა
საქართველოს საგარეო საქმეთა მინისტრმა სერბეთის რესპუბლიკის ახლადარჩეულ პრეზიდენტს შეხვდა
საქართველოს საგარეო საქმეთა მინისტრი მიხეილ ჯანელიძე სერბეთის რესპუბლიკის პრეზიდენტის ალექსანდრ ვუჩიჩის ინაუგურაციის საზეიმო ცერემონიალში მონაწილეობის მისაღებად 2017 წლის 23 ივნისს, ვიზიტით ბელგრადს ეწვია.
საქართველოს საგარეო საქმეთა სამინისტროს ინფორმაციით, მინისტრმა შეხვედრები გამართა სერბეთის ახლადარჩეულ პრეზიდენტთან ალექსანდრ ვუჩიჩთან და მოქმედ პრემიერ-მინისტრთან, საგარეო საქმეთა მინისტრთან ივიცა დაჩიჩთან. შეხვედრებზე განხილულ იქნა ორმხრივ და მრავალმხრივ ფორმატებში თანამშრომლობის აქტუალური საკითხები. ორივე მხარის მიერ დადასტურდა საერთაშორისო სამართლის პრინციპების, მათ შორის ტერიტორიული მთლიანობის პატივისცემის ურყევობა. ყურადღება გამახვილდა მაღალი დონის ვიზიტების განხორციელების და სავაჭრო-ეკონომიკური ურთიერთობების გააქტიურების მნიშვნელობაზე. ეკონომიკური თანამშრომლობის გაღრმავების მიზნით, უახლოეს მომავალში დაიგეგმა სავაჭრო-ეკონომიკური თანამშრომლობის შესახებ მთავრობათშორისი ხელშეკრულების ხელმოწერა.
აღინიშნა სურვილი, გააქტიურდეს საქართველო-სერბეთის პოლიტიკური დიალოგი, პარლამენტთაშორისი თანამშრომლობა, კულტურული და ხალხთაშორისი ურთიერთობები.
შეხვედრებზე მხარეებმა ასევე ხაზი გაუსვეს ტურიზმის სფეროში არსებული თანამშრომლობის გაღრმავებისა და თბილისსა და ბელგრადს შორის პირდაპირი საჰაერო ფრენების განხორციელების აუცილებლობას. ამ მხრივ აღინიშნა, ორდინალური პასპორტების მფლობელთათვის სავიზო რეჟიმის ორმხრივად გაუქმების შესახებ სერბული მხარის მიერ ინიცირებული შეთანხმების დროული ხელმოწერის აუცილებლობაც.
მხარეები შეთანხმდნენ, დაიწყონ მუშაობა საქართველოს საგარეო საქმეთა მინისტრის მიხეილ ჯანელიძის პირველ ოფიციალურ ვიზიტზე სერბეთში.
საგარეო საქმეთა მინისტრმა მიხეილ ჯანელიძემ სერბეთის ახლადდანიშნულ პრეზიდენტს ალექსანდრ ვუჩიჩს გადასცა საქართველოს პრემიერ-მინისტრის გიორგი კვირიკაშვილის მილოცვის წერილი.
სერბეთის რესპუბლიკაში ვიზიტის ფარგლებში, მიხეილ ჯანელიძე ასევე დაესწრო სერბეთის საგარეო საქმეთა მინისტრის, ივიცა დაჩიჩის სახელით დელეგაციის ხელმძღვანელების პატივსაცემად გამართულ სადილს.
საკვანძო სიტყვები:
საქართველოში დღეს გვყავს პროტესტში მყოფი ადამიანთა ჯგუფი, რომლებსაც, დიახ, წაართვეს ქართველობა - შალვა პაპუაშვილი
24 მარტი, 2026 , 13:04
ვუკრძალავ ნებისმიერ ადამიანს ჩემს თავისუფლებასა და პატიმრობაზე რაიმე სახის დიალოგს, მოლაპარაკებას, სიტყვის წარმოთქმასაც კი, გასაკვირია, რომ ეს პოზიცია ქვეყნის გარეთ უფრო კარგად გაიგეს - ელენე ხოშტარია
17 მარტი, 2026 , 15:20
ჩვენ დიდი ხანია, ვსაუბრობთ, რომ ბოლო წლებში ასეულობით მილიონი დაიხარჯა ქვეყანაში მოღალატეობრივი ქსელის შესაქმნელად - კახა კალაძე
17 მარტი, 2026 , 13:18
უნდა შეწყდეს ბრიუსელიდან და ევროკავშირის სხვა დედაქალაქებიდან მომდინარე დეზინფორმაცია, პარტნიორობა შეუძლებელია იქ, სადაც, სიმართლის ნაცვლად, პოლიტიკური ნარატივები დომინირებს - შალვა პაპუაშვილი
17 მარტი, 2026 , 13:15
ბიძინა ივანიშვილი არის მმართველი გუნდის საპატიო თავმჯდომარე და ბუნებრივია, ჩვენ ყველა ერთად ვინაწილებთ პასუხისმგებლობას - ირაკლი კობახიძე
17 მარტი, 2026 , 09:21
ერთი ფაქტი მოგვაწოდეთ, სადაც იყო კორუფციული გადაცდომა, თუ არ გვექნება ეფექტური რეაგირება, მერე ვილაპარაკოთ - ირაკლი კობახიძე
17 მარტი, 2026 , 09:14
