პოლიტიკა

საქართველოს პრეზიდენტი მოუწოდებს მმართველ პოლიტიკურ გუნდს, გამართოს დიალოგი ოპოზიციასთან მათ მიერ დაყენებული საკითხების ირგვლივ - გიორგი აბაშიშვილი

საქართველოს პრეზიდენტის ადმინისტრაციის ხელმძღვანელის, გიორგი აბაშიშვილის განცხადებით, დღევანდელი პრეზიდენტის ადმინისტრაცია ყველაფერს გააკეთებს, რათა უფლებამოსილების ცივილური გადაბირების პრეცედენტი შექმნას.

„მისასალმებელია, რომ შედგა შეხვედრა საქართველოს პრეზიდენტსა და საქართველოს ახალ არჩეულ პრეზიდენტს შორის დღეს აქ, პრეზიდენტის ავლაბრის სასახლეში. ჩვენ მაქსიმალურად ყველაფერს გავაკეთებთ, რათა შევქმნათ პრეცედენტი პრეზიდენტის უფლებამოსილების ცივილური გადაბირების და ამავდროულად გამოვთქვამთ იმედს, რომ ეს პრეცედენტი სამაგალითო იქნება სხვა დროს სხვა პრეზიდენტებისთვის“, -უთხრა აბაშიშვილმა ჟურნალისტებს.

მან პრეზიდენტის სახელით მოუწოდა მმართველ პარტიას, დაიწყოს ოპოზიციასთან მოლაპარაკებები. საუბარია გაერთიანიანებული ოპოზიციის მოთხოვნებზე ვადამდელ საპარლამენტო არჩევნებისა და საარჩევნო კოდექსში ცვლილებების შეტანის შესახებ.

„საქართველოს პრეზიდენტი მოუწოდებს მმართველ პოლიტიკურ გუნდს, გამართოს დიალოგი ოპოზიციასთან მათ მიერ დაყენებული საკითხების ირგვლივ და თავად პრეზიდენტი მზად არის როგორც პოლიტიკურად, ისე ინსტიტუციურად ჩაერთოს ამ პროცესში“, -განაცხადა აბაშიშვილმა.