პოლიტიკა

საქართველოს მთავრობამ ვიზალიბერალიზაციასთან დაკავშირებით პარტნიორების დარწმუნება შეძლო- მიხეილ ჯანელიძე

საქართველოს საგარეო საქმეთა მინისტრის მიხიელ ჯანელიძის განცხადებით, საქართველოში 2013 წელს რეფორმების გატარება დაიწყო, რამაც შესაძლებლობა მოიტანა, რომ ვიზალიბერალიზაციასთან დაკავშირებით ევროკავშირში პოლიტიკური მსჯელობა დაწყებულიყო.

ამის შესახებ ჯანელიძემ მთავრობის დღევანდელი სხდoმის დასრულების შემდეგ განაცხადა.

მისი თქმით, საქართველოს მთავრობამ, ქართულმა დიპლომატიამ შეძლო პარტნიორების დარწმუნება, რომ ვიზალიბერალიზაციასთან დაკავშირებული გადაწყვეტილება საქართველოსთვის ძალიან მნიშვნელოვანია.

„რეფორმები განხორციელდა 2013 წლის დასაწყისიდან და ჩვენ ამით მივიღეთ შესაძლებლობა, რომ უკვე პოლიტიკური მსჯელობა დაწყებულიყო საქართველოს ვიზალიბერალიზაციასთან დაკავშირებით. გასულ წელს, მიუხედავად არასახარბიელო ფონისა, საქართველომ, საქართველოს მთავრობამ და ქართულმა დიპლომატიამ, შეძლო ჩვენი პარტნიორების დარწმუნება, როგორც პოლიტიკოსების, ასევე წევრი ქვეყნების, რომ საქართველოსთვის ვიზალიბერალიზაციის გადაწყვეტილება არის ძალიან მნიშვნელოვანი, როგორც ევროპისთვის, ევროკავშირისთვის, ასევე საქართველოსთვის“,-აღნიშნა ჯანელიძემ.

მონიკა დავლიანიძე