სამართალი
საქართველოს მთავარ პროკურატურაში სახალხო დამცველის აპარატის წარმომადგენლებთან შეხვედრა გაიმართა
საქართველოს მთავარ პროკურატურაში სახალხო დამცველის აპარატის წარმომადგენლებთან შეხვედრა გაიმართა. შეხვედრაში მონაწილეობდნენ საქართველოს მთავარი პროკურორის მოადგილე გიორგი გოგაძე და პროკურატურის წარმომადგენლები, სახალხო დამცველის პირველი მოადგილე ნათია კაციტაძე და სახალხო დამცველის აპარატის წარმომადგენლები. შეხვედრაზე განხილულ იქნა საქართველოს პროკურატურასა და სახალხო დამცველის აპარატთან თანამშრომლობის საკითხი. ასევე განხილულ იქნა არასათანადო მოპყრობის ფაქტების ეფექტიანი გამოძიება. პროკურატურის წარმომადგენლებმა სახალხო დამცველის წარმომადგენლებს მიაწოდეს ინფორმაცია სისხლის სამართლის საქმეებზე მიმდინარე გამოძიების შესახებ, - აცნობეს მედიანიუსს სახალხო დამცველის აპარატიდან.
საქართველოს მთავარი პროკურატურა მჭიდროდ თანამშრომლობს საქართველოს სახალხო დამცველის აპარატთან, რაც გამოიხატება როგორც ინფორმაციის მიწოდებაში, ასევე სახალხო დამცველის რეკომენდაციებისა და წინადადებების შესრულებაში.
საქართველოს მთავარი პროკურატურა სახალხო დამცველის აპარატს სისტემატიურად აწვდის ინფორმაციას პენიტენციური დაწესებულების თანამშრომელთა ან/და პოლიციის თანამშრომელთა მიერ განხორციელებული არასათანადო მოპყრობის სისხლის სამართლის საქმეებზე. 2016 წელს არასათანადო მოპყრობის ფაქტებთან დაკავშირებით სახალხო დამცველის მომართვები წინა წელთან შედარებით 27%-ით შემცირებულია.
2016 წელს საქართველოს მთავარ პროკურატურაში განხილულ იქნა საქართველოს სახალხო დამცველის 19 რეკომენდაცია/წინადადება, რომლებიც ეხებოდა ადამიანის უფლებების შესაძლო დარღვევის ფაქტებს. აღნიშნული 19 წინადადებიდან პროკურატურის მიერ შესრულდა 16 წინადადება, ხოლო არ შესრულდა 3 წინადადება, სახალხო დამცველს გაეცა მოტივირებული და დასაბუთებული პასუხები.
განსაკუთრებით აღსანიშნავია ის ფაქტი, რომ სახალხო დამცველის ორი წინადადების საფუძველზე, არა მხოლოდ მყისიერად დაიწყო გამოძიება სისხლის სამართლის საქმეებზე, არამედ შესაბამისი მტკიცებულებების საფუძველზე სისხლისსამართლებრივი დევნა დაიწყო ორი პირის მიმართ. ამათგან, ერთი პირის მიმართ დადგა გამამტყუნებელი განაჩენი, ხოლო მეორე პირის მიმართ სასამართლოში მიმდინარეობს საქმის არსებითი განხილვა.
საკვანძო სიტყვები:
მიგრაციის დეპარტამენტის თანამშრომლებმა საქართველოდან უცხო ქვეყნის 105 მოქალაქე გააძევეს
24 მარტი, 2026 , 13:07
თბილისის საქალაქო სასამართლომ ელენე ხოშტარიას ერთი წლითა და ექვსი თვით თავისუფლების აღკვეთა შეუფარდა
24 მარტი, 2026 , 12:55
ნიკა მელიას საქმე არსებითად განსახილველად სასამართლოს გადაეცა - გადაწყვეტილება მოსამართლე ვალერიან ბუგიანიშვილმა მიიღო
23 მარტი, 2026 , 13:58
სახალხო დამცველმა თბილისის საქალაქო სასამართლოში ბრალდებულ პაატა მანჯგალაძის საქმეზე სასამართლოს მეგობრის მოსაზრება წარადგინა
23 მარტი, 2026 , 12:27
შსს-მ აჭარაში სპეცოპერაციის შედეგად „ქურდულ სამყაროსთან“ კავშირში მყოფი 72 პირი დააკავა, კიდევ ხუთ პირს ბრალი წარედგინა, მათ შორის ე.წ. კანონიერ ქურდს
17 მარტი, 2026 , 15:08
დაცვის პოლიციის დეპარტამენტისა და საპატრულო პოლიციის დეპარტამენტის ორი თანამშრომელი დააკავეს
17 მარტი, 2026 , 13:02
