პოლიტიკა

საქართველოს კიბერუსაფრთხოების წინაშე არსებულ მთავარ საფრთხეს რუსეთიდან მომდინარე კიბერშეტევები წარმოადგენს- მთავრობის 2017-2018 სტრატეგია

საქართველოს მთავრობამ 2017-2018 წლის კიბერუსაფრთხოების ეროვნული სტრატეგია დაამტკიცა.

დოკუმენტში აღნიშნულია,რომ მოცემულ ეტაპზე, საქართველოს კიბერსუაფრთხოების წინაშე არსებულ მთავარ საფრთხეს, რუსეთის ფედერაციის მხრიდან ორგანიზებული კიბერშეტევები და კიბერსაშუალებებით ჩადენილი სხვა დანაშაულებები წარმოადგენს.

დოკუმენტის მიხედვით, რუსეთის ფედერაცია იყენებს კიბერსაშუალებებს ევროატლანტიკური სივრცის წინააღმდეგ წარმოებულ საინფორმაციო ომში და შესაბამისად, კიბერსივრცის მეშვეობით რუსეთის ფედერაცია აქტიურად ეწევა საინფორმაციო კამპანიას, რომლიც მიზნად ისახავს საქართველოს ევროატლანტიკურ ოჯახში ინტეგრაციის შეფერხებას და ასევე, საქართველოს მოსახლეობაში ევროატლანტიკური ღირებულებების დისკრედიტაციას.

სტრატეგიაში აღნიშნულია, რომ 2008 წლის შემდეგ რუსეთიდან მომდინარე კიბერსაფრთხეები გაზრდილია. ამის მიზეზი კი გახლავთ ის, რომ რუსეთის ფედერაციას არ შეუცვლია აგრესიული პოლიტიკა კიბერდომეინში; რუსეთის ფედერაციამ უკანასკნელ წლებში მნიშვნელოვნად აამაღლა საკუთარი კიბერშეტევითი შესაძლებლობები; რუსეთის ფედერაციამ მნიშვნელოვნად დახვეწა კიბერსაშუალებების გამოყენების სპეციფიკა მის მიერვე წარმოებულ ფსიქოლოგიური გავლენის ოპერაციებში; ასევე, 2008 წელთან შედარებით, მნიშვნელოვნად არის გაზრდილი საქართველოს დამოკიდებულება ინფორმაციულ და საკომუნიკაციო ტექნოლოგიებზე, რაც პოტენციური კიბერთავდასხმების შემთხვევაში, თავის მხრივ, ზრდის მოსალოდნელი ზიანის მასშტაბებს.

მთავრობის 2017-2018 წლების ეროვნულ სტრატეგიაში, კიბერსაფრთხეებიდან განსაკუთრებით აღნიშნულია: კიბერომი, კიბერტერორიზმი, კიბერ სადაზვერვო საქმიანობა, ასევე კიბერსივრცის მეშვეობით საქართველოს წინააღმდეგ მიმართული სხვა საქმიანობა.

მონიკა დავლიანიძე