საზოგადოება
საქართველოს ბანკმა Qorus-Infosys Finacle Banking Innovation Awards 2025-ზე ვერცხლის ჯილდო მიიღო
საქართველოს ბანკმა მორიგი საერთაშორისო აღიარება მოიპოვა. ამჯერად, ბანკმა Qorus-Infosys Finacle Banking Innovation Awards 2025-ზე, პროდუქტისა და სერვისის ინოვაციის კატეგორიაში, ვერცხლის ჯილდო მიიღო. დაჯილდოების ცერემონია წელს საბერძნეთში, ათენში გაიმართა.
Qorus-Infosys Finacle Banking Innovation Awards პრესტიჟული საერთაშორისო კონკურსია, რომელიც ყოველწლიურად მსოფლიოს წამყვან ფინანსურ ინსტიტუტებს აერთიანებს და აჯილდოებს იმ კომპანიებს, რომლებიც ინოვაციური გადაწყვეტებით საბანკო სექტორს გარდაქმნიან. კონკურსის მიზანია გამოავლინოს გამორჩეული ინიციატივები, რომლებიც მომავლის ბანკინგში ახალ სტანდარტს ქმნიან.
საქართველოს ბანკმა აღნიშნული ჯილდო მოიპოვა Ads მენეჯერის პლატფორმით – ინოვაციური ციფრული ინსტრუმენტით, რომელიც ბიზნესებს შესაძლებლობას აძლევს მარტივად შექმნან შეთავაზებები და განათავსონ ისინი ბანკის ციფრულ არხებში, მათ შორის მობილბანკსა და sCoolApp-ში, სადაც ყოველთვიურად 1.7 მილიონზე მეტი აქტიური მომხმარებელია. პლატფორმა მნიშვნელოვნად ამარტივებს ბიზნესის კომუნიკაციას მომხმარებლებთან. ერთ სივრცეში შესაძლებელია როგორც შეთავაზების შექმნა, ასევე ვიზუალის შერჩევა, შედეგების გაზომვა და ანალიტიკის ნახვა. სწორედ ამ ინოვაციური მიდგომისა და მომხმარებელზე მორგებული დიზაინის წყალობით მიენიჭა საქართველოს ბანკს საერთაშორისო აღიარება.
„საქართველოს ბანკისთვის ეს აღიარება კიდევ ერთხელ უსვამს ხაზს ჩვენს მუდმივ სწრაფვას ინოვაციებისკენ, ციფრული ეკოსისტემის განვითარებისა და მომხმარებელზე მორგებული სერვისების კიდევ უფრო გაუმჯობესებისკენ. საერთაშორისო დონეზე მიღწეული წარმატება განსაკუთრებით მნიშვნელოვანია, რადგან ის ადასტურებს, რომ საქართველოს ბანკის ინოვაციური მიდგომები საერთაშორისო მასშტაბითაც აღიარებულია. ეს მიღწევა ჩვენი გუნდის ერთობლივი ხედვისა და იმ ფასეულობების დამსახურებაა, რომელზეც ჩვენი საქმიანობაა დაფუძნებული. ჩვენ აქ არ ვჩერდებით და ვაგრძელებთ მუშაობას იმისთვის, რომ 1 750 000-ზე მეტი მომხმარებლისთვის საბანკო სერვისების მიღება კიდევ უფრო მარტივი, სწრაფი და კომფორტული გავხადოთ, ხოლო ბიზნესებისთვის ვიყოთ არა მხოლოდ ბანკი, არამედ პარტნიორი, რომელიც ეხმარება და ხელს უწყობს მათი საქმიანობის განვითარებაში და ავტომატიზაციაში“ — აცხადებენ საქართველოს ბანკში” - განაცხადა მაია გორგილაძემ, საქართველოს ბანკის ციფრული საბანკო მომსახურების დეპარტამენტის დირექტორის მოადგილემ.
საკვანძო სიტყვები:
მიიღეთ 30%-იანი MR ქულების ქეშბექი extra-ზე საქართველოს ბანკის Amex ბარათით გადახდისას
23 მარტი, 2026 , 18:41
გალტ & თაგარტმა სოფლის მეურნეობის განვითარების ინდექსი და სექტორული კვლევა წარადგინა
23 მარტი, 2026 , 16:44
მრევლს სიონის ტაძარში შესვლა და პატრიარქის საფლავისთვის პატივის მიგება ყოველდღე, 08:00-დან 22:00 საათამდე შეეძლება - საპატრიარქო
23 მარტი, 2026 , 14:56
ოკუპირებული აფხაზეთში „ჯაშუშებს“ ბრალდებით დაკავებები გრძელდება
19 მარტი, 2026 , 15:15
ილია II-ის გარდაცვალება თანამედროვე ეპოქის ქართული ეკლესიის ოქროს ხანის სიმბოლური დასასრულია - გია ნოდია
19 მარტი, 2026 , 14:37
„საქართველოს რკინიგზა“ 21 და 22 მარტს მაგისტრალურ სამგზავრო მატარებლებზე რეისების დამატებასთან დაკავშირებით ინფორმაციას ავრცელებს
19 მარტი, 2026 , 11:30
