პოლიტიკა

საქართველო მნიშვნელოვანია ნატოსთვის, ნატო კი საქართველოსთვის - იენს სტოლტენბერგი

„ნატო განაგრძობს საქართველოს ძალისხმევის მხარდაჭერას ალიანსში გასაწევრიანებლად რეფორმების გატარების საკითხში“, - ამის შესახებ ალიანსის გენერალურმა მდივანმა იენს სტოლტენბერგმა ვაშინგტონში ფონდ „მემკვიდრეობის“ სემინარზე გამოსვლისას განაცხადა.

„საქართველო იღწვის პროგრესისთვის. ჩვენ ამას მივესალმებით. გავაგრძელებთ საქართველოს მხარდაჭერას იმ ზომით, თუ როგორ მიიწევს წინ ევროატლანტიკური ინტეგრაციისკენ, მათ შორის ნატოს წევრობისკენ“, - განაცხადა სტოლტენბერგმა და აღნიშნა, რომ ივლისში ნატოს სამიტზე „ძალიან კარგი შეხვედრა“ ჰქონდა საქართველოს პრეზიდენტ გიორგი მარგველაშვილთან.

სტოლტენბერგმა ასევე გაამახვილა ყურადღება საქართველოს წვლილზე ნატოს ოპერაციებსა და სწავლებაში.

„საქართველო მნიშვნელოვანია ნატოსთვის, ნატო კი საქართველოსთვის და ჩვენ გავაგრძელებთ ჩვენი პარტნიორობის გაძლიერებას“, - განაცხადა სტოლტენბერგმა.