პოლიტიკა

საქართველო-ამერიკის ურთიერთობა რუსეთის ხარჯზე არ დაზიანდება - დავით ბაქრაძე

აშშ-ის ახლად არჩეული პრეზიდენტის დონალდ ტრამპის ინაუგურაციას ამერიკაში საქართველოს საგანგებო და სრულუფლებიანი ელჩი დავით ბაქრაძე გამოეხმაურა. როგორც მან ტვ „პირველის“ განაცხადა, რომ არ ვარაუდობს ამერიკის ახალი ადმინისტრაციის საქართველოსადმი მხარდაჭერის შესუსტებას რუსეთთან ურთიერთობების გამოსწორების ხარჯზე.

„ჩვენ განვიხილავთ ნებისმიერ შესაძლებლობებს, თუ როგორ შეიძლება განვითარდეს ორმხრივი ურთიერთობები, თუმცა მყარი რწმენა გვაქვს, რომ ის არ განვითარდება საერთაშორისო სამართლის ნორმების ხარჯზე და საქართველოსა და აშშ-ის სტრატეგიული თანამშრომლობა და პარტნიორობა ამ მხრივ არ დაზიანდება“, - განაცხადა ბაქრაძემ.

მისი თქმით, საელჩოს აქვს მყარი კომუნიკაცია აშშ-ის ახალ ადმინისტრაციასთან, ასევე საქართველოს მხარე ატარებს შეხვედრებს კონგრესის წარმომადგენლებთან, სენატორებთან და საქართველოს მეგობართა ჯგუფის წარმომადგენლებთან.

შეგახსენებთ, რომ აშშ-ის ახლად არჩეული პრეზიდენტის დონალდ ტრამპის ინაუგურაცია 20 იანვარს გაიმართება.

ანა მებურიშვილი