სამართალი

საქალაქო სასამართლოს შემდეგ, ე.წ ციანიდის საქმის სხდომები სააპელაციო სასამართლომაც დახურა

სააპელაციო სასამართლომ ე.წ ციანიდის საქმის სხდომები დახურა.

შესაბამისი შუამდგომლობით სასამართლოს ბრალდების მხარემ მიმართა.

როგორც პროკურორმა ზვიად გუბელაძემ აღნიშნა, სხდომების დახურვა საჭიროა იმიტომ, რომ საფრთხე არ შეექმნას პროცესის მონაწილეებს, მათ პირად ცხოვრებას, ასევე მართმსაჯულების ინტერესებს არ მიადგეს საფრთხე.

„თუ სააპელაციო სასამართლომ არ დახურა სხდომა, აზრი დაეკარგება როგორც გამოძიების ეტაპზე, ასევე თბილისის საქალაქო სასამართლოში მიღებულ ყველა ლეგიტიმურ გადაწყვეტილებას“,-აღნიშნა პროკურორმა.

დღეიდან ე.წ ციანიდის საქმის განხილვას სააპელაციო სასამართლომ დაიწყო.

სხდომის დაწყებისთანავე საქმეზე მსჯავრდებულმა დეკანოზმა სხდომა პროტესტის ნიშნად დატოვა, რადგან გიორგი მამალაძის თქმით, იგი „ქართულ მართლმსაჯულებას უნდობლობას უცხადებს“.

მონიკა დავლიანიძე