პოლიტიკა

საპარლამენტო უმრავლესობაში 11- და 7-კაციანი ფრაქციები შეიქმნა

პარლამენტის საპროცედურო საკითხთა კომიტეტმა მხარი დაუჭირა საპარლამენტო უმრავლესობაში კიდევ ორი ფრაქციის შექმნას. ესენია „ქართული ოცნება ძლიერი ეკონომიკისთვის“ და „ქართული ოცნება ძლიერი საქართველოსთვის“.

ფრაქცია „ქართული ოცნება ძლიერი ეკონომიკისთვის” 11 წევრისგან შედგება, მისი თავმჯდომარე გოჩა ენუქიძე იქნება. მასში შევლენ ირაკლი ხახუბია, პაატა მხეიძე, ოთარ დანელია, ივლიანე წულაია, გოდერძი ჩანქსელიანი, თამაზ ნავერიანი, ირაკლი შიოლაშვილი, ედიშერ თოლორაია, გიორგი თოთლაძე და იოსებ მაკრახიძე.

ფრაქცია „ქართული ოცნება ძლიერი საქართველოსთვის“ 7-კაციანი იქნება და მას ბიძინა გეგიძე უხელმძღვანელებს, ხოლო თავმჯდომარის მოადგილე ზაზა პაპუაშვილი იქნება. მისი წევრები იქნებიან ამ ფრაქციის მდივანი ლევან გოგიჩაიშვილი, ასევე კობა კობალაძე, გიორგი კოპაძე, კობა ნაკაიძე და ირაკლი აბუსერიძე.

ანა მებურიშვილი