პოლიტიკა

საპარლამენტო უმრავლესობა და უმცირესობა ტატუნაშვილთან დაკავშირებულ ერთიან რეზოლუციაზე შეთანხმდა

8 საპარლამენტო უმცირესობა და უმრავლესობა არჩილ ტატუნაშვილთან დაკავშირებულ ერთიან რეზოლუაციაზე შეთანხმდა. დოკუმენტში იქნება შეტანილი „ოთხოზორია-ტატუნაშვილის“ სიაც, რომელიც დააკისრებს სანქციებს საოკუპაციო რეჟიმის წარმომადგელებს.

სიის შედგენა მთავრობას ევალება.

„ევროპული საქართველოს“ ერთ-ერთმა ლიდერმა გიგა ბოკერიამ განმარტა, რას გულისხმობს აღნიშნული სია.

„ყველა იმ პირმა, ვინც მოღვაწეობს ოკუპირებულ ტერიტორიებზე, იქნება ეს პირდაპირ რუსეთის რეგულარული სტრუქტურების წარმომადგენლები თუ მარიონეტული სტრუქტურების წარმომადგენლები, უნდა იცოდეს, რომ თუ ის ჩაიდენს ან ხელს დააფარებს ასეთ დანაშაულს, მას სამიზნე ექნება დახატული შუბლზე და ის იქნება მთელი ცხოვრების განმავლობაში სამიზნე ამ სანქციების მთელ ცივილიზებულ სამყაროში“, - თქვა ბოკერიამ.

თავდაპირველად პარლამენტში იყო წარმოდგენილი ორი რეზოლუცია. უმრავლესობის დოკუმენტი მოითხოვდა საერთაშორისო გამოძიების ჩატარებას ტატუნაშვილის საქმეზე, ხოლო ოპოზიცია სთავაზობდა „ოთხოზორია-ტატუნაშვილის“ სიის შედგენასა და საოკუპაციო ძალებისადმი სანქციების ამოქმედებას.