პოლიტიკა

სამუშაო ადგილები, სიღარიბე, ფასების ზრდა და პენსია - NDI-მ მოსახლეობისთვის ყველაზე მნიშვნელოვანი ეროვნული საკითხები გამოავლინა

ეროვნულ-დემოკრატიული ინსტიტუტის (NDI) მიერ ჩატარებული კვლევის თანახმად, მოსახლეობისთვის მნიშვნელოვან ეროვნულ საკითხებს სამუშაო ადგილები, სიღარიბე, ფასების ზრდა და პენსია წარმოადგენს.

კითხვაზე, ყველაზე მნიშვნელოვანი ეროვნული საკითხები რომელია, გამოკითხულთა 51%-მა სამუშაო ადგილები დაასახელა, 32%-მა - სიღარიბე, 28%-მა - ფასების ზრდა, 28%-მა- პენსიები, 24%-მა - ტერიტორიული მთლიანობა, 21%-მა - ხელმისაწვდომი სამედიცინო მომსახურეობა, 17%-მა - ხელფასები, 15%-მა - განათლება, 10%-მა - ადამიანის უფლებები, 10%-მა - რუსეთთან ურთიერთობა, 8%-მა - სამართლიანობის აღდგენა, 6%-მა - კრიმინალი, 5%-მა - სამართლიანი არჩევნები, ხოლო 4-4%-მა სასამართლო სისტემა და ნატო-ში გაწევრიანება.

კვლევის საველე სამუშაოები ჩატარდა 23 ივნისი-8 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) 2 409 პირისპირ ინტერვიუს წარმომადგელობითი შერჩევის საფუძველზე.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC-საქართველო.

კვლევაში ცდომილების ზღვარი +/-1.9%-ია.