პოლიტიკა

სალომე ზურაბიშვილის ინაუგურაციას ერეკლე მეორის სასახლის გალავნის მიღმა გააპროტესტებენ

ხელისუფლების უარის მიუხედავად გაერთიანებული ოპოზიციის ლიდერები ფართომასშტაბიანი აქციის ადგილის შეცვლას არ აპირებენ.

ერეკლე მეორის სასახლის გალავნის მიღმა შეკრებილები სალომე ზურაბიშვილის ინაუგურაციას გააპროტესტებენ.

აქციაზე ოპოზიციას იწვევს ყველას, ვინც ფიქრობს, რომ არჩევნები გაყალბდა და ზურაბიშვილი პრეზიდენტად საქართველოს მოსახლეობის აბსოლუტურ უმრავლესობა არ აურჩევია.

სალომე ზურაბიშვილის ინაუგურაცია, თელავში, ბატონის სასახლეში იმართება. ოპოზიცია შეკრებას ამ ტერიტორიიდან 100 მეტრის მოშორებით ერეკლე მეორის ძეგლთან გეგმავს, თუმცა ქალაქის მერია, მათ მანიფესტაციის გამართვას, მოშორებით ცხრა აპრილის მემორიალთან სთავაზობს.

ოპოზიცია დარწმუნებულია, რომ მანიფესტაცია ინაუგურაციას ხელს არ შეუშლის, მით უმეტეს, იმ ფონზე, როდესაც სასახლის ეზოში მისვლა არავისთვის ფერხდება და ეს არც აქციის მონაწილეების მიზანია.

,,რაც შეეხება პროვოკაციას, პროვოკატორები ხართ თქვენ, თქვენ აწყობთ პროვოკაციებს და თელავის მერის წერილიც ეს არის პროვოკაციის მცდელობა ჩვენთან მიმართებაში. ჩვენ კი გეუბნებით, რომ ჩვენ აღვკვეთავთ ყველა პროვოკაციას თქვენი მხრიდან, ისევე როგორც ამას ვაკეთებდით ე.წ. არჩევნების პროცესში“, - მიმართა გაერთიანებული ოპოზიციის წევრმა, გიორგი ვაშაძემ ,,ქართულ ოცნებას.“