პოლიტიკა

სალომე ზურაბიშვილი თუ გახდება პრეზიდენტი, ზიანი, რომელიც შეიძლება, მიადგეს ჩვენი ქვეყნის სუვერენიტეტსა და ტერიტორიულ მთლიანობას, იქნება ძალიან დიდი - სერგი კაპანაძე

„ევროპული საქართველოს“ ერთ-ერთი ლიდერის, სერგი კაპანაძის შეფასებით, სალომე ზურაბიშვილის პრეზიდენტობის შემთხვევაში საქართველოს სუვერენიტეტსა და ტერიტორიულ მთლიანობას დიდი ზიანი შეიძლება მიადგეს.

დეპუტატმა აღნიშნა, რომ ზურაბიშვილი პირდაპირ ადანაშაულებს საქართველოს ომის დაწყებაში, ხოლო მანამდე ადანაშაულებდა საქართველოს წითელი უბნის ინციდენტში, როდესაც ბომბდანშენმა საქართველოს ტერიტორიაზე ბომბი ჩამოაგდო. ზურაბიშვილი იყო ერთადერთი, ვინც მაშინ თქვა. რომ ეს საქართველოს ხელისუფლებამ თავად მოაწყო.

„ძალიან სამწუხაროა, რომ ასეთი კანდიდატი იბრძვის პრეზიდენტობისთვის. ასეთი ადამიანი თუ გახდება პრეზიდენტი, ზიანი, რომელიც შეიძლება, მიადგეს ჩვენი ქვეყნის სუვერენიტეტსა და ტერიტორიულ მთლიანობას, იქნება ძალიან დიდი. ეს ადამიანი, როგორც ჩანს, არ იცვლის პოზიციას და საქართველოს პრეზიდენტობის რანგში გაკეთებული მსგავსი განცხადებები პირდაპირი დარტყმა იქნება ჩვენი ქვეყნის სუვერენიტეტზე“,– განაცხადა კაპანაძემ.

ცნობისთვის, გუშინ სალომე ზურაბიშვილმა განაცხადა, რომ საპრეზიდენტო არჩევნებზე თავის კანდიდატურას დააყენებს.