პოლიტიკა

სალომე ზურაბიშვილი დღეს 20:00 საათზე პირდაპირ ეთერში განცხადებას გააკეთებს

მმართველი გუნდის მიერ მხარდაჭერილი პრეზიდენტობის კანდიდატი, სალომე ზურაბიშვილი დღეს 20:00 საათზე განცხადებას გააკეთებს. ამის შესახებ ზურაბიშვილმა ფეისბუკის საკუთარ გვერდზე დაწერა.

„ამ საღამოს 8 საათზე ჩემი განცხადება პირდაპირ ეთერში“, - დაწერა ზურაბიშვილმა.

ეს იქნება ზურაბიშვილის პირველი ოფიციალური განცხადება 28 ოქტომბრის არჩევნების შემდეგ. გუშინ მან ჟურნალისტებს უარი უთხრა რამე კომენტარის მიცემაზე.

ცესკოს მიერ 3705 საარჩევნო უბნის დათვლის შედეგების მიხედვით, ზურაბიშვილმა ამომრჩეველთა ხმების 38.64% მიიღო, ხოლო მისმა ოპონენტმა, „ნაციონალური მოძრაობის“ კანდიდატმა, გრიგოლ ვაშაძემ - 37.74%. ამ შედეგების გათვალისწინებით გაიმართება საპრეზიდენტო არჩევნების მეორე ტური.