სამართალი

საკონსტიტუციო სასამართლოში ე.წ. მოსმენების კანონის განხილვა გაურკვეველი ვადით გადაიდო

საკონსტიტუციო სასამართლოში ე.წ. მოსმენების კანონის განხილვა გაურკვეველი ვადით გადაიდო.

სხდომის გადადების მიზეზი გახდა ის, რომ პლენუმი პერსონალურ მონაცემთა დაცვის ინსპექტორის მოსმენას გეგმავს, რომელიც დღეს საკონსტიტუციო სასამართლოში არ მისულა.

დღესვე ვერ მოხერხდა სუს-ის წარმომადგენლის მოსმენა.

„პროცესი გადაიდო იმიტომ, რომ მოხერხდეს პერსონალურ მონაცემთა დაცვის ინსპექტორის მოსმენა, პროცესის განახლების თარიღი უცნობია“, - განაცხადა ფონდ „ღია საზოგადოება-საქართველოს“ წარმომადგენელმა გიორგი ბურჯანაძემ.

დღევანდელ პროცესზე კი, მოსამართლეები ოპერატიულ-ტექნიკური სააგენტოს წარმომადგენელს უსმენდნენ.

როგორც გიორგი ბურჯანაძემ აღნიშნა, მისი გამოსვლის შემდეგ კიდევ უფრო დარწმუნდა, რომ სააგენტო უსაფრთხოების სამსახურის სრულ დაქვემდებარებაშია.

„ჩვენ კიდევ უფრო დავრწმუნდით, რომ სახელმწიფო უსაფრთხოების სამსახური ახორციელებს ეფექტურ კონტროლს ამ სამსახურზე. სააგენტოს დამოუკიდებლობა არის ფიქტიური და შეუძლებელია ამ ორი უწყების დისტანცირება. სწორედ ამის გამო გააუქმა სასამართლომ ერთი წლის წინ კანონი, თუმცა დღესაც იგივე რეალობაში ვართ“, - განაცხადა გიორგი ბურჯანაძემ.