სამართალი

საკონსტიტუციო სასამართლომ კანონმდებლობით განსაზღვრული ვადების დარღვევით უარი გვითხრა საჯარო ინფორმაციის მიწოდებაზე - IDFI

საკონსტიტუციო სასამართლომ, კანონმდებლობით განსაზღვრული ვადების დარღვევით, IDFI-ის უარი უთხრა საჯარო ინფორმაციის მიწოდებაზე.

როგორც ორგანიზაციაში განმარტავენ, მოთხოვნა ეხებოდა საკონსტიტუციო სასამართლოს მოსამართლე მერაბ ტურავას მიმართ 2015 წლის 6 სექტემბერს დაწყებული დისციპლინური სამართალწარმოების საქმეზე მიღებული საკონსტიტუციო სასამართლოს ეთიკისა და დისციპლინურ საქმეთა კომისიის დასკვნის ასლის გადაცემას და ინფორმაციას იმის შესახებ, არსებობდა თუ არა მოსამართლეების მიმართ მიმდინარე დისციპლინური საქმეები, რომლებზეც ჯერ საბოლოო შედეგი არ დამდგარა.

შესაბამისად, IDFI საქართველოს საკონსტიტუციო სასამართლოს მიმართავს რეკომენდაციით:

მიმდინარე და დასრულებულ დისციპლინურ საქმეებთან დაკავშირებით სრულყოფილად გაასაჯაროვოს ინფორმაცია, საჭიროების შემთხვევაში, საჯაროობის ინტერესის პროპორციული შეზღუდვით.

დაიცვას საჯარო ინფორმაციის გაცემასთან დაკავშირებით კანონმდებლობით განსაზღვრული ვადები.

საქართველოს პარლამენტმა და საკონსტიტუციო სასამართლომ დაიწყონ მოსამართლეთა დისციპლინური სამართალწარმოების მომწესრიგებელი კანონმდებლობის და შიდა აქტების დახვეწა იმდაგვარად, რომ გამოირიცხოს დისციპლინური სამართალწარმოების ბოროტად გამოყენების საფრთხეები.

დეტალური ინფორმაცია ამ საქმის შესახებ იხილეთ აქ: https://idfi.ge/ge/constitutional_court_of_georgia_did_not_release_information_on_disciplinaty_regulations