სამართალი

საკონსტიტუციო სასამართლო 5 რელიგიური გაერთიანების სარჩელს განიხილავს

საქართველოს საკონსტიტუციო სასამართლო ხუთი რელიგიური გაერთიანების კონსტიტუციური სარჩელის წარმოებაში მიღებაზე მსჯელობს. მოსარჩელეები ითხოვენ არაკონსტიტუციურად აღიარონ ცნობა, რომელიც რელიგიურ უმცირესობათა ორგანიზაციებს საშემოსავლო გადასახადებს აკისრებს და არათანაბარ მდგომარეობაში აყენებს მართლმადიდებლურ ეკლესიასთან, რომელიც გათავისუფლებულია დღგ-ს, მოგებისა და ქონების გადასახადებისგან.

„თბილისის თავისუფალი უნივერსიტეტის“ წარმომადგენლისა და ერთ-ერთი მოსარჩელის, გიორგი მშვენიერაძის თქმით, სარჩელის მიზანი არაა, მართლმადიდებელი ეკლესიისთვის საგადასახადო შეღავათების გაუქმება.

„თბილისის თავისუფალი უნივერსიტეტი“ და „ტოლერატობისა და მრავალფეროვნების ცენტრი“ წარმოადგენენ ხუთი რელიგიური ორგანიზაციის სარჩელს. ისინი მიიჩნევენ, რომ საგადასახადო კანონმდებლობა და მათი შინაარსი დისკრიმინაციულია და განსხვავებით მართმადიდებელი ეკლესიისგან მთელი რიგი შეღავათებით სარგებლობის უფლებას არ აძლევს სხვა რელიგიურ ორგანიზაციებს. სარჩელი მიმართულია იმისკენ, რომ პრივილეგიები არ გაუუქმდეს მართლმადიდებელ ეკლესიას, არამედ მსგავსი შეღავათებით სარგებლობის უფლება უნდა მიეცეს ყველა სხვა რელიგიურ ორგანიზაციას. ეს არის ოთხი გადასახადი: მოგების, დამატებითი ღირებულების, ქონების გადასახადი. თავად მოგების გადასახადი მოიცავს ორ კომპონენტს, რომელზეც დავა გვაქვს“, - განაცხადა „თბილისის თავისუფალი უნივერსიტეტის“ წარმომადგენელმა გიორგი მშვენიერაძემ.

ანა მებურიშვილი