კომენტარი

საკონსტიტუციო კომისიის მუშაობის ე.წ ლეგიტიმაციასთან დაკავშირებით, არანაირი პრობლემა არ შეიქმენბა- ირაკლი კობახიძე

პარლამენტის თავმჯდომარე ირაკლი კობახიძე საკონსტიტუციო კომისიის მუშაობაში ჩართვისთვის, დადგენილების თანახმად, პრეზიდენტის ადმინისტრაციის წარმომადგენლის დასახელებას ელოდება.

„საქართველოს პარლამენტის დადგენილება ითვალისწინებს პრეზიდენტის ადმინისტრაციის წარმომადგენელთა მუშაობას საკონსტიტუციო კომისიაში, ამ ფორმატში. ჩვენ დაველოდებით, რა თქმა უნდა, მათ წარდგინებას, შესაბამისი კანდიდატების წარმოდგენას“,-აღნიშნა პარლამენტის თავმჯდომარემ.

რაც შეეხება, პრეზიდენტის მრჩევლის ფიქრია ჩიხრაძის მიერ გაკეთებულ განცხადებას, საკონსტიტუციო კომისიის ლეგიტიმაციასთან დაკავშირებით, ირაკლი კობახიძემ აღნიშნა, რომ მისთვის გაუგებარია, რა კავშირშია ეს სიტყვა საკონსტიტუციო კომისიასთან.

„რაც შეეხება საკონსტიტუციო კომისიის, ე.წ ლეგიტიმაციას, ეს სიტყვა საერთოდ რა კავშირშია საკონსტიტუციო კომისიასთან, მე საერთოდ არ მესმის. რაც შეეხება ე.წ ლეგიტიმაციას, ამ კუთხით, არანაირი პრობლემა არ შეიქმნება“,-განაცხადა ირაკლი კობახიძემ.

მონიკა დავლიანიძე