პოლიტიკა

სახეზე გვაქვს რუსეთი, რომელიც ეომება საქართველოსა და უკრაინას - ვლადის ზატლერსი

პრეზიდენტის სასახლეში ეროვნული და რეგიონალური უსაფრთხოების საკითხებზე მიმდინარე სტრატეგიული დისკუსიაზე საპატიო სტუმრის სტატუსით მიწვეულმა ლატვიის ყოფილმა პრეზიდენტმა, ვლადის ზატლერსმა სიტყვით გამოსვლისას რუსეთის აგრესიაზე გაამახვილა ყურადღება.

,,დღეს ჩვენ სახეზე გვაქვს არამხოლოდ ეთნიკური კონფლიქტები და სამოქალაქო ომი სირიაში, არამედ რუსეთი, რომელიც ეომება საქართველოსა და უკრაინას. რუსეთი იყენებს ბრძოლის სხვადასხვა მეთოდს, მათ შორის მედიაომს. მე ნახევარი ცხოვრება საბჭოთა პერიოდში გავატარე. კომუნისტრურ რეჟიმს ჰქონდა ომები ყოველ 12 წელიწადში; ეს იყო უნგრეთში, ჩეხოსლოვაკიაში, ავღანეთში, რუსეთს კი აქვს ომი, ყოველ ერთ წელიწადში. იყო ჩეჩნეთის პირველი და მეოერე ომები, შემდეგ საქართველო და უკრაინა. დღეს კი, ის ჩაერთო სირიის ომში. ჩვენ ვმსჯელობთ იმაზე, თუ როგორ უზრუნველვყოთ ჩვენი უსაფრთხოება და რა დავუპირისპიროთ ამ აგრესიას’’, - განაცხადა ვლადის ზატლერსმა.

ნინო ექვთიმიშვილი