პოლიტიკა
სახელმწიფომ ძლიერი ნაბიჯები უნდა გადადგას, რათა ამგვარი რამ არასდროს არ განმეორდეს - თეა წულუკიანი ილიას უნივერსიტეტში მომხდარ ფემიციდზე
იუსტიციის მინისტრი თეა წულუკიანი გამოეხმაურა საქალაქო სასამართლოს გადაწყვეტილებას ილიას უნივერსიტეტში, ყოფილი ქმრის მიერ მოკლული მარიამ წივწივაძის საქმეზე.
წულუკიანის თქმით, სახელმწიფომ ყველაფერი უნდა გააკეთოს, რომ მსგავსი რამ არ განმეორდეს ქვეყანაში.
„ეს არის ერთ-ერთი მტკივნეული საქმე, რომელიც სალაპარაკო ენაზე რომ ვთქვა არის სავსე დარღვევებით. ქართულმა დამოუკიდებელმა სასამართლომ მიიღო ის გადაწყვეტილება, რაც მიიღო. რა თქმა უნდა, ამას სიტყვები, თუნდაც სასამართლოს ეს გადაწყვეტილება და მხარდაჭერა, რაც არ უნდა გაკეთდეს, არ იქნება საკმარისი იმ ბავშვებისთვის, რომლებმაც დედა დაკარგეს, ამიტომ სახელმწიფომ კიდევ უფრო მეტი და ძლიერი ნაბიჯები უნდა გადადგას, რათა ამგვარი რამ არასდროს არ განმეორდეს. ეს საქმე სტრასბურგის სასამართლოშიც არის გაგზავნილი. ჩვენ რა თქმა უნდა, დავის რეჟიმში არ ვიმყოფებით და არ ვიქნებით. ვენ წარვადგინეთ სტრასბურგის სასამართლოში უბრალოდ იმ რეფორმების შესახებ ინფორმაცია, რომელიც ქვეყანამ ცუდი მაგალითების შემდეგ გადადგა. დღეს მნიშვნელოვანია, რომ პოლიციელები არიან გაცილებით მეტად მობილიზებულები, რომ პროკურატურაში თავად მსხვერპლების მიმართვიანობა არის გაზრდილი. დიდი იმედი მაქვს, რომ იმ სისტემური ცვლილებების წყალობით, რომელიც ჩვენ პარლამენტთან ერთად, თუნდაც სტამბულის კონვენციის რატიფიკაციის შედეგად გააკეთა, ამგვარი რამ მომავალში ჩვენ ქვეყანაში არასდროს განმეორდება“, -თქვა წულუკიანმა.
საქალაქო სასამართლომ დააკმაყოფილა მოკლული ლექტორის ოჯახის სარჩელი და შსს-ს დაავალა წივწივაძის ოჯახისთვის მორალური და მატერიალური ზიანის ანაზღაურება.
უწყებას სარჩოს სახით გარდაცვლილის შვილისთვის ყოველთვიურად იმ ხელფასის ნახევარის გადახდა დაეკისრა, რასაც მარიკა წივწივაძე იღებდა. შინაგან საქმეთა სამინისტროს ამ თანხის გადახდა მანამდე მოუწევს, სანამ ბავშვი სრულწლოვანი არ გახდება.
2014 წლის 17 ოქტომბერს ილიას სახელმწიფო უნივერსიტეტის ლექტორი მარიკა წივწივაძე ყოფილმა მეუღლემ, ლაშა მაღრაძემ უნივერსიტეტის შენობაში ცეცხლსასროლი იარაღით მოკლა და სიცოცხლე თვითმკვლელობით დაასრულა.
ანა მებურიშვილი
საკვანძო სიტყვები:
საქართველოში დღეს გვყავს პროტესტში მყოფი ადამიანთა ჯგუფი, რომლებსაც, დიახ, წაართვეს ქართველობა - შალვა პაპუაშვილი
24 მარტი, 2026 , 13:04
ვუკრძალავ ნებისმიერ ადამიანს ჩემს თავისუფლებასა და პატიმრობაზე რაიმე სახის დიალოგს, მოლაპარაკებას, სიტყვის წარმოთქმასაც კი, გასაკვირია, რომ ეს პოზიცია ქვეყნის გარეთ უფრო კარგად გაიგეს - ელენე ხოშტარია
17 მარტი, 2026 , 15:20
ჩვენ დიდი ხანია, ვსაუბრობთ, რომ ბოლო წლებში ასეულობით მილიონი დაიხარჯა ქვეყანაში მოღალატეობრივი ქსელის შესაქმნელად - კახა კალაძე
17 მარტი, 2026 , 13:18
უნდა შეწყდეს ბრიუსელიდან და ევროკავშირის სხვა დედაქალაქებიდან მომდინარე დეზინფორმაცია, პარტნიორობა შეუძლებელია იქ, სადაც, სიმართლის ნაცვლად, პოლიტიკური ნარატივები დომინირებს - შალვა პაპუაშვილი
17 მარტი, 2026 , 13:15
ბიძინა ივანიშვილი არის მმართველი გუნდის საპატიო თავმჯდომარე და ბუნებრივია, ჩვენ ყველა ერთად ვინაწილებთ პასუხისმგებლობას - ირაკლი კობახიძე
17 მარტი, 2026 , 09:21
ერთი ფაქტი მოგვაწოდეთ, სადაც იყო კორუფციული გადაცდომა, თუ არ გვექნება ეფექტური რეაგირება, მერე ვილაპარაკოთ - ირაკლი კობახიძე
17 მარტი, 2026 , 09:14
