პოლიტიკა

„სახელმწიფო ხალხისთვის“ არჩევნების მეორე ტურთან დაკავშირებით მხარდამჭერებს მიმართავს

მოძრაობა „პაატა ბურჭულაძე- სახელმწიფო ხალხისთვის“ მხარდამჭერებს მოუწოდებს, მხარი დაუჭირონ არა პოლიტიკურ პარტიებს, არამედ ცალკეულ ადამიანებს, რომლებიც უკეთეს მონაწილოებას მიიღებენ ქვეყანაში არსებული უმძიმესი მდოგმარეობის გამოსწრებაში.

ამის შესახებ მოძრაობის მიმართვაშია ნათქვამი, რომელიც ფეისბუქის მათ გვერდზე გავრცელდა.

„რამდენიმე დღეში გაიმართება საპარლამენტო არჩევნების მეორე ტური. მოძრაობა "სახელმწიფო ხალხისთვის" პოზიცია ჩატარებულ არჩევნებთან დაკავშირებით ცნობილია - მიგვაჩნია, რომ არჩევნები ჩატარდა მძიმე დარღვევებით და რეალურად იქნა შეფერხებული ადამიანის თავისუფალი ნების გამოვლინება, როგორც პროცესუალურად, ისე შედეგების თვალსაზრისით.

მიუხედავად ამისა, "სახელმწიფო ხალხისათვის" მოუწოდებს მხარდამჭერებს, მიიღონ გადაწყვეტილება თავისუფალი ნებით, საკუთარი სინდისისა და ქვეყნის სასიცოცხლო ინტერესების გათვალისწინებით და მხარი დაუჭირონ არა პოლიტიკურ პარტიებს, არამედ ცალკეულ ადამიანებს, რომელნიც უკეთეს მონაწილეობას მიიღებენ საკანონმდებლო პროცესში და ქვეყანაში არსებული უმძიმესი მდგომარეობის გამოსწორებაში. ამომრჩეველმა კარგად უნდა გააცნობიეროს ქვეყნის წინაშე არსებული საჭიროებები, საფრთხეები და პრობლემები და მიიღოს შესაბამისი გადაწყვეტილებები“,-ნათქვამია მიმართვაში.

მონიკა დავლიანიძე