სამართალი

საიამ იმ მაღალი თანამდებობის პირთა ვინაობის გასარკვევად, რომელთა მიმართ პროკურატურა გამოძიებას აწარმოებს, სასამართლოს მიმართა

„ახალგარდა იურისტთა ასოციაციამ“ პროკურატურის მიერ ინფორმაციის გაუცემლობის გამო სარჩელი შეიტანა თბილისის საქალაქო სასამართლოში. საიას იურისტის მარიამ გოგოსაშვილის განცხადებით, პროკურატურა საჯარო სამსახურის ბიუროდან მიწოდებული მასალების საფუძველზე 6 მაღალი თანამდებობის პირის მიმართ გამოძიებას აწარმოებს, რაც ქონებრივ დეკლარაციაში გამოვლენილ ხარვეზებს ეხება.

როგორც გოგოსაშვილმა რუსთავი 2-ს განუცხადა, მათ ინფორმაციის მიწოდების თხოვნით პროკურატურას მიმართეს, თუმცა პასუხი არ მიუღიათ.

საიას იურისტის თქმით, ინფორმაცია თანამდებობის პირების შესახებ საჯარო უნდა იყოს.

,,ის ფაქტი, რომ თანამდებობის პირების შესახებ ინფორმაცია არის დახურული, რა თქმა უნდა, არის პრობლემატური კონკრეტულად ამ ფაქტთან დაკავშირებითაც. ვფიქრობთ, რომ ინფორმაცია უნდა იყოს ღია. რაც შეეხება დეკლარაციებსა და ანგარიშვალდებულებას, სწორედ ამიტომ ავსებენ თანამდებობის პირები დეკლარაციებს, რომ მათი საქმიანობა და ქონებრივი მდგომარეობა იყოს საჯარო“, -თქვა გოგოსაშვილმა.

ანა მებურიშვილი