პოლიტიკა

საერთაშორისო საშემფასებლო კონფერენცია გაიმართება

22 ივნისს სასტუმრო „თბილისი მერიოტში“ 10:00 სთ. „საპარტნიორო ფონდისა“ და "საქართველოს დამოუკიდებელ შემფასებელთა საზოგადოების" ორგანიზებით სამეცნიერო-პრაქტიკული საერთაშორისო საშემფასებლო ორ დღიანი კონფერენცია სახელწოდებით, „შეფასების საერთაშორისო პრაქტიკა“ გაიმართება.

როგორც მედიანიუსს საპარტნიორო ფონიდან აცნობეს, კონფერენციაზე შეფასების პრაქტიკულ საკითხებზე, საშემფასებლო სტანდარტებსა და საშემფასებლო საქმიანობის რეგულირების შესახებ და ასევე, საშემფასებლო საქმიანობის მარეგულირებელი კანონის თაობაზე იმსჯელებენ, რომელიც საქართველოს მთავრობის გადაწყვეტილებით ძალაში 2017 წლის ბოლომდე უნდა შევიდეს.

კონფერენციის მუშაობაში მონაწილეობას მიიღებენ ევროპის საშემფასებლო ასოციაციების (www.tegova.org) პრეზიდენტი შიშტოფ ჟიჟეკი; აუდიტორული კომპანიების, შემფასებელთა საერთაშორისო ორგანიზაციების 12-ზე მეტი ქვეყნის 200 დელეგატი (დასავლეთ და აღმოსავლეთი ევროპიდან, აშშ-დან, ყოფილი დსთ-ის ქვეყნებიდან), საქართველოს მთავრობის, საპარტნიორო ფონდის, თბილისის მერიის, შემფასებელთა საერთაშორისო ორგანიზაციების წარმომადგენლები. ადგილობრივი საშემფასებლო და აუდიტორული კომპანიები, საქართველოს კომერციული ბანკები; დეველოპერები, სადაზღვევო კომპანიები, საქართველოში მოღვაწე მსხვილი კომპანიებისა და საერთაშორისო ორგანიზაციების წარმომადგენლები.

მისამართი: თბილისი, თავისუფლების მოედანი №4, „სასტუმრო ქორთიარდ მერიოტი“.