პოლიტიკა

„საერთაშორისო გამჭვირვალობა-საქართველოს“ ნულები შეეშალა - დავით სერგეენკო

შრომის, ჯანდაცვისა და სოციალური დახმარების მინისტრი დავით სერგეენკო გამოეხმაურა „საერთაშორისო გამჭვირვალობა- საქართველოს“ დასკვნას, რომლის მიხედვით, ჯანდაცვის სამინისტრომ პიარისთვის 2013-2017 წლებში 3 800 000 ლარი დახარჯა.

ჯანდაცვის მინისტრის თქმით, არასამთავრობო ორგანიზაციას მონაცემები შეეშალა.

„ „საერთაშორისო გამჭვირვალობას“ ნულები შეეშალა, მაგალითად, შარშან 317 ლარი დაიხარჯა საკუთრივ პიარაქტივობისთვის, რაც ცე ჰეპატიტის ელიმინაციის პროგრამას ეხებოდა. რაც შეეხება ამ მიმართულებას, არიან თანამშრომლები, რომლებიც ამაზე მუშაობენ და ხელფასები ეძლევათ."-განაცხადა სერგეენკომ შეხვედრაზე, სადაც მან ჯანდაცვის სექტორის წარმომარგენლებს სხვადასხვა პროექტის შესახებ ინფორმაცია გააცნო.

საუბარი ასევე შეეხო ქრონიკური დაავადებების სამკურნალო მედიკამენტების პროგრამას, მოქალაქის პორტალს, ვაქცინაციას, წითელას ეპიდზედამხედველობის შეკავებისა და მოცვის გაუმჯობესებას, ცე ჰეპატიტის სკრინინგისა და მკურნალობის გაფართოებასა და სხვა აქტუალურ საკითხებს.