მსოფლიო

სადაა თქვენი „მადლობა ამერიკას?“ - დონალდ ტრამპი

აშშ-ის პრეზიდენტმა დონალდ ტრამპმა განაცხადა, რომ არასდროს არ დაუკონკრეტებია, როდის განახორციელებს აშშ თავდასხმას სირიაზე. ამის შესახებ მან საკუთარ ტვიტერზე დაწერა.

„არასდროს მითქვამს, როდის მოხდება თავდასხმა სირიაზე. შეიძლება, ძალიან მალე და შეიძლება, არც ისე. ნებისმიერ შემთხვევაში, ჩემი ადმინისტრაციის მმართველობის პერიოდში აშშ-მ რეგიონის „ისლამური სახელმწიფოსგან“ გათავისუფლების საქმეში უდიდესი საქმე გააკეთა. სადაა თქვენი „მადლობა ამერიკას?“, - დაწერა ტრამპმა.

ორშაბათს სამხედრო ლიდერებთან და ეროვნული უშიშროების მრჩევლებთან შეხვედრაზე დონალდ ტრამპმა განაცხადა, რომ სირიის ქალაქ დუმაში განხორციელებულ ქიმიურ თავდასხმაზე სწრაფ და ქმედით პასუხს გასცემს.

გუშინ ტრამპი საკუთარ ტვიტერზე გამოეხმაურა ლიბანში რუსეთის ელჩის, ალექსანდრე ზასიპკინის განცხადებას, რომ სირიაზე აშშ-ის აგრესიის შემთხვევაში რუსეთი ყველა რაკეტას ჩამოაგდებს. ტრამპმა მოსკოვი გააფრთხილა, რომ რაკეტებს გაუშვებს.