პოლიტიკა

საჭიროა, რომ თითოეული ჩვენი მხარდამჭერი მივიდეს საარჩევნო ყუთთან რომ მომავალი განვითარების პროცესი იყოს უფრო სწრაფი - არჩილ თალაკვაძე

პარტია „ქართული ოცნების“ საარჩევნო შტაბში პარტიის ერთ-ერთმა ლიდერმა არჩილ თალაკვაძემ ბრიფინგი გამართა.

როგორც თალაკვაძემ აღნიშნა, საარჩევნო პროცესი დილიდან მშვიდ და დემოკრატიულ რეჟიმში მიმდინარეობს.

მან მხარდაჭერებს აქტიურობისკენ მოუწოდა, რადგან მისი თქმით, ეს არის იმის გარანტია, რომ მომავალი განვითარების პროცესი იქნება უფრო სწრაფი და დინამიური.

„დილიდან საარჩევნო პროცესი მშვიდ და დემოკრატიულ რეჟიმში მიმდინარეობს. ჩვენი მხარდამჭერები აქტიურობენ. დიდი მადლობა. ჩვენ გვაქვს ძალიან დიდი მხარდაჭერა და აუცილებელია, საჭიროა, რომ თითოეული ჩვენი მხარდამჭერი მივიდეს დღეს საარჩევნო ყუთთან და დააფიქსიროს საკუთარი არჩევანი. ეს არის იმის გარანტია, რომ მომავალი განვითარების პროცესი იქნება უფრო სწრაფი, უფრო დინამიური და ჩვენ გვექნება უფრო მეტი კეთილდღეობა ოჯახებში და ქვეყანაში“,-აღნიშნა თალაკვაძემ.

მონიკა დავლიანიძე