პოლიტიკა

საბოლოო პროდუქტი უნდა იყოს ის, რომ ციხეში არა მოხმარებისთვის, არამედ გასაღებისთვის მოხვდნენ - ბექა ოდიშარია ნარკოპოლიტიკაზე

საპარლამენტო უმრავლესობის წევრის, ბექა ოდიშარიას თქმით, ნარკოპოლიტიკის მიზანი უნდა იყოს, რომ ციხე დაეკისროს არა ნარკომომხმარებელს, არამედ ნარკორეალიზატორს.

„ნარკოპოლიტიკა არის ჩვენი ხელისუფლების უმნიშვნელოვანესი მიმართულება და განსახორციელებელი თემა. შესაბამისად, აღნიშნულ საკითხს უნდა მოვეკიდოთ დიდი პასუხისმგებლობით. არ გვაქვს უფლება და ფუფუნება იმისა, რომ დავუშვათ რაიმე შეცდომა. ჩვენ ვერ წავახალისებთ ნარკოტიკის მოხმარებას, ვერ დავუშვებთ, რომ ნარკოდილერები და ნარკობარიგები საზოგადოებაში თავისუფლად იყვნენ. შესაბამისად, ჩვენ უნდა გავიაროთ ბეწვის ხიდზე. ყველა შემთხვევაში საბოლოო პროდუქტი უნდა იყოს ის, რომ ციხეში არა მოხმარებისთვის, არამედ გასაღებისთვის მოხვდნენ“, -თქვა დეპუტატმა.