პოლიტიკა

საარჩევნო ბლოკების შექმნის აკრძალვა ნიშნავს, რომ „ქართული ოცნება“ უნდა იყოს მუდამ ხელისუფლებაში - არასაპარლამნეტო ოპოზიცია

არასაპარლამენტო ოპოზიცია საარჩევნო სისტემის შეცვლის საკითხის პარლამენტის კენჭისყრაზე დაყენებას ითხოვს.

როგორც ოპოზიცია აცხადებს, თუ კანონს, რომელიც მაჟორიტარული სისტემის გაუქმებას და პროპორციულზე გადასვლას გულისხმობს, საგაზაფხულო სესიაზე კენჭს არ უყრიან, ისინი საკონსტიტუციო სასამართლოს მიმართავენ.

გარდა ამისა, არასაპარლამენტო ოპოზიცია საკოსნტიტუციო ცვლილებებზე მომუშავე კომისიას იმ ინიციტივისთვის აკრიტიკებს, რომელიც საარჩევნო ბლოკების შექმნის შესაძლო აკრძალვას შეეხება.

„1990 წლიდან დღემდე, არც ერთი ხელისუფლება ხელისუფლებაში არ მოსულა ბლოკის გარეშე. ანუ საქართველოში არის ისეთის სისტემა, ძალისხმევათა კონსოლიდაციის პირობებში ხდება მხოლოდ ხელისუფლების შეცვლა“,-განაცხადა „ახალი მემარჯვენეების“ ლიდერმა მამუკა კაციტაძემ.

„ნინო ბურჯანაძე-დემოკრატიული მოძღაობის“ წევრის გიორგი ახვლედიანის განცხადებით კი, საარჩევნო ბლოკების შექმნის აკრძალვა პოლიტიკურ პარტიებს გაანადგურებს.

„ეს არის პოლიტიკური პარტიების განადგურების და ზოგადად ქვეყანაში პოლიტიკური პროცესიდან გაქრობის ინიციატივა და „ქართულ ოცნებას“ ეოცნებება ის, რომ კონსიტუციურად გააფორმოს,რომ მხოლოდ ის უნდა იყოს მუდმივად ხელისუფლებაში“,-განაცხადა ახვლედიანმა.

„თავისუფალი საქართველოს“ ლიდერის კახა კუკავას აზრით კი, საარჩევნო ბლოკების აკრძალვა ნიშნავს, ხელისუფლების მშვიდობიანი ცვლილების გზით, ხელისუფლების არჩევნების გზით შეცვლის აკრძალვას, რასაც შეიძლება ჰქონდეს გამოუსწორებელი შედეგი.

შეგახსენებთ, რომ ბლოკის თუ კოალიციის შექმნის შეზღუდვის ინიციატივით, პარლამენტის თავმჯდომარემ ირაკლი კობახიძემ საკონსტიტუციო კომისიას გააცნო.

იდეის მიხედვით, საარჩევნო სუბიექტად კონსტიტუციაში მხოლოდ პოლიტიკური პარტია განისაზღვრება, რასაც პარტიის გაძლიერება მოჰყვება.

მონიკა დავლიანიძე