პოლიტიკა

სააკაშვილი პოლიტიკური ცხოველია, მას პოლტიკური ყნოსვა აქვს - ნინო ბურჯანაძე

„დემოკრატიული მოძრაობის“ ლიდერის ნინო ბურჯანაძის თქმით, ის რომ მიხეილ სააკაშვილს დღეს აქვს „შანსი არიოს ვითარება იგივე საქართველოშიც ეს პირადად ბიძინა ივანიშვილის და „ქართული ოცნების“ ბრალია“.

როგორც ბურჯანაძემ გადაცემა „რეაქციაში“ განმარტა, „ ბიძინა ივანიშვილს და „ქართულ ოცნებას“თავის დროზე რომ გამოეძიებინა ის დანაშაულებები და პრეტენზიები, რაც სააკაშვილის წინააღმდეგ იყო წაყენებული, დღეს სააკაშვილი როგორც პოლიტიკური ფიგურა აღარ იარსებებდა და პოლიტიკური გვამი იქნებოდა“.

მისივე თქმით, „რეალური ნაბიჯები სააკაშვილის გასამართლების საქართველოში არ გადადგმულა“.

რაც შეეხება სააკაშვილის ამჟამინდელ მდგომარეობას, ჩავა თუ არა იგი 10 სექტემბერს უკრაინაში, ნინო ბუჯანაძე მიიჩნევს,რომ სააკაშვილისთვის პოლიტიკური გადარჩენის ერთადერთი შანსია უკრაინაში ჩასვლა, ან თუნდაც საქართველოში ჩამოსვლაა.

„მოგვწონს თუ არ მოგვწონს სააკაშვილი პოლიტიკოსია, ის რომ იგი პოლიტკოსი არის და რომ პოლიტიკური ცხოველია ეს სრულიად ნათელია. მას პოლტიკური ყნოსვა აქვს. მას ძალიან კარგად ესმის დღეს, რომ მისი პოლიტიკური გადარჩენის ერთადერთი შანსი არის უკრაინაში ჩასვლა და სხვათაშორის, თუ აქამდე მივა საქმე, საქართველოში ჩამოსვლა და ციხეში ჩაჯდომაც. მე ვიცი მისი ხასიათი, ის პიროვნულად მშიშარაა, ამიტომ ვყოყმანოდ რამე კომენტარი და პროგნოზი გავაკეთო, თუ რას იზამს. მაგრამ მან დღეს იცის, რომ კუთხეში მიყენებულ მდგომარეობაშია“,-განმარტა პოლიტიკოსმა.

მონიკა დავლიანიძე