სამართალი

რუსთავი 2-ის იურისტები ტელეკომპანიაზე ყადაღის მოხსნის თხოვნით უზენაეს სასამართლოს მიმართავენ

ტელეკომპანია რუსთავი 2-ის იურისტები უზენაეს სასამართლოს შუამდგომლობით მიმართავენ, ყადაღის მოხსნას ითხოვენ, რომლის გამოც მათი შეფასებით, ბოლო თვეების განმავლობაში არხს მუშაობა რთულ ფინანსურ პირობებში უწევს.

აღნიშნული მოთხოვნის შესახებ შუამდგომლობა რუსთავი 2-ის იურისტმა თამთა მურადაშვილმა სასამართლოში დღეს შეიტანა.

,,სააპელაციო სასამართლომ, როცა შემაჯამებელი გადაწყვეტილება გამოიტანა, უნდა გაეუქმებინა ყადაღაც, რომელიც იყო რუსთავი 2-ზე, ვინაიდან რუსთავი 2 აღარ წარმოადგენდა მოპასუხეს. თავად ქიბარ ხალვაში თავიდან სარჩელში ყადაღის მიზნობრიობას განმარტავდა იმით, რომ კომპანიის ქონება ყოფილიყო დაცული. ამ ყადაღით ძალიან დიდი ზიანი ადგება რუსთავი 2-ის ქონებას, შესაბამისად, ვეღარ ემსახურება ეს სარჩელის უზრუნველყოფის ღონისძიება იმ მიზნებს, რაც კანონით არის გათვალისწინებული,’’ - განაცხადა რუსთავი 2-ის იურისტმა თამთა მურადაშვილმა.

სხდომა რუსთავი 2-ის საქმეზე უზენეს სასამართლოში ორშაბათს გაიმართება.

ნინო ექვთიმიშვილი