პოლიტიკა

რუსეთთან „ორმაგი ბილიკით“ სვლაა საჭირო- პაოლო ჯენტილონი

იტალიის საგარეო საქმეთა მინისტრის პაოლო ჯენტილონის განცხადებით, რუსეთთან „ორმაგი ბილიკით“ სვლაა საჭირო.

მისი თქმით, ერთი ბილიკი არის ევროპის პრინციპების დაცვა, რაც საქართველოს შემთხვევაში, მისი ტერიტორიული მთლიანობისა და სუვერენიტეტის აღიარებას გულისხმობს.

მეორე ბილიკი, კი რუსეთთან დიალოგის წარმართვას გულისხმობს.

ამის შესახებ საქრთველოში ვიზიტად მყოფმა ჯანტილონიმ, საქართველოს საგარეო საქმეთა მინისტრ მიხეილ ჯანელიძესთან ერთობლივ პრესკონფერენციაზე განაცხადა.

„ვიცით, რომ რუსეთი არის ევროკავშირის ძალიან დიდი და მნიშვნელოვანი მეზობელი. ვფიქრობთ, ძალიან მნიშვენლოვანია, როგორც ევროკავშირისთვის, ასევე ნატო-სთვის ურთიერთობების შენარჩუნება. ამიტომ, ევროპის ქვეყნების 80% შედის ნატო-ში. ჩვენ უნდა ვეცადოთ სწორად და კორექტულად ვაწარმოოთ მოლაპარაკებები რუსეთთან. დიპლომატიური ჟარგონით ჩვენ ამას „ორმაგ ბილიკს“ ვუწოდებთ, რომელსაც ყველა არ იზიარებდა, მაგრამ ახლა უფრო მეტი ქვეყანა იზიარებს ამ აზრს.

ერთი ბილიკი არის ის, რომ ჩვენი პრინციპები დავიცვათ. საქართველოს შემთხვევაში, ჩვენ უნდა ვაღიაროთ საქართველოს ტერიტორიული მთლიანობა და სუვერენიტეტი, უკრაინის შემთხვევაში ეს ნიშნავს,რომ მივიღოთ ისეთი ზომები, რომელიც ძალიან მნიშვნელოვანი იქნება.

ვფიქობ, რომ სანქციებსაც ჰქონდა შედეგი. როგორც გერმანია, ამერიკის შეერთებული შტატები, მხარს ვუჭერთ დიალოგს, აუცილებელია პრაგმატიზმი და გაგრძელდეს პრაგმატული მიდგომა საკითხის მიმართ. ეს არის ორი წერტილი, როემლიც უნდა გამოვიყენოთ რუსეთთან ურთიერთობაში. ძალიან მნიშვნელოვანია ამ შემთხვევაში თუ როგორ მოიქცევა რუსეთი. ჩვენი რეაქციები მათ ნაბიჯებზეა დამოკიდებული“,-აღნიშნა პაოლო ჯენტილიონიმ, რომლის თარგმანს საზოგადოებრივი მაუწყებელი ავრცელებს.

მონიკა დავლიანიძე