პოლიტიკა

რუსეთთან დიალოგის მომხრეთა რიცხვი მცირდება - IRI

„საერთაშორისო რესპუბლიკური ინსტიტუტის“ (IRI) ახალი კვლევის თანახმად, წინა წლებთან შედარებით რუსეთთან დიალოგის მომხრეთა რიცხვი შემცირდა.

2018 წლის აპრილის მონაცემებით, რუსეთთან დიალოგს გამოკითხულთა 76%-მა დაუჭირა მხარი, რაც 6%-ით ნაკლებია 2017 წლის მარტის შედეგებზე, ხოლო 2013 წლის თებერვლის მონაცემებზე - 19%-ით ნაკლებია.

2017 წლის მარტთან შედარებით 3%-ით შემცირებულია იმ ადამიანთა რიცხვი, რომლებიც ფიქრობენ, რომ საქართველოს საგარეო პოლიტიკა პროდასავლური უნდა იყოს, თუმცა რუსეთთან ურთიერთობების შენარჩუნების ფონზე. ასეთ დამოკიდებულებას 2018 წლის კვლევაში გამოკითხულთა 50%-მა გაიზიარა.

გამოკითხულთა 27% ემხრობა საქართველოს მხოლოდ პროდასავლურ კურსს, რაც 4%-ით მეტია 2017 წლის მარტის მაჩვენებელზე.

გამოკითხულთა 12%-მა მხარი დაუჭირა პრორუსულ კურსს, თუმცა ევროკავშირთან და დასავლეთთან შენარჩუნების ფონზე. მაგ მხრივ 2017 წელთან შედარებით სიტუაცია არ შეცვლილა (მაშინაც 12% იზიარებდა ამ პოზიციას).

გამოკითხულთა 2%-მა განაცხადა, რომ საქართველოს კურსი მხოლოდ პრორუსული უნდა იყოს, რაც 1%-ით ნაკლებია 2017 წლის მარტის მაჩვენებელზე.

საქართველოს ნატოში შესვლას მხარი დაუჭირა გამოკითხულთა 77%-მა, რაც 2017 წლის მარტთან შედარებით 5%-ითაა შემცირებული. ევროკავშირში გაწევრიანებას კვლევის მონაწილეთა 85%-მა დაუჭირა მხარი.