პოლიტიკა

რუსეთის ექს-პრეზიდენტის, დიმიტრი მედვედევის ბრძანებით შექმნილი ფონდი თბილისში მორიგი ფორუმის გამართვას აპირებს

საქართველოს რუს ახალგაზრდათა კავშირი გორჩაკოვის ფონდთან ერთად 13-14 ოქტომბერს თბილისში, დიდუბე პლაზაში რუსეთისა და საქართველოს არაკომერციული ორგანიზაციების ახალგაზრდა ლიდერების ფორუმს გამართავს, რომლის სახელწოდებაცაა „სახალხო დიპლომატია-კომპრომისების დიალოგი“. ამის შესახენ ინფორმაცია ფონდმა გაავრცელა, რომელიც 2010 წელს რუსეთის ექს-პრეზიდენტის, დიმიტრი მედვედევის ბრძანებით შეიქმნა.

ფორუმის განცხადებით, ფორუმის მთავარია მიზანია, რომ „შეიქმნას პლატფორმა რუსეთისა და საქართველოს ახალგაზრდების მოწინავე წარმომადგენლების აქტიური ურთიერთობებისთვის“. ავტორების აზრით, პროექტი ხელს შეუწყობს „რუსულ-ქართული დიალოგის განვითარებას“ და ფორუმის დელეგატები მონაწილეობას მიიღებენ „საქართველოში რუსული დიასპორის სტატუსის გაღრმავების მექანიზმების შემუშავებაში, მათ შორის ქართულ საზოგადოებაში არსებულ პრობლემებსა და ქართულ-რუსულ ურთიერთობებში ეროვნულ დიპლომატიის როლის შესრულების პოტენციალის გაძლიერებაში“.

ფონდის ინფორმაციით, ფორუმზე მონაწილეობას მიიღებენ რუსი და ქართველი მოოღვაწეები პოლიტიკის, განათლების, კულტურის სფეროდან ასევე მედიისა და სამოქალაქო საზოგადოების წარმომადგენლები და საქართველოს რუსულენოვანი დიასპორის აქტივისტები.

ცნობისთვის, სექტემბერში თბილისში ჩატარდა ფორუმი, რომელიც ორგანიზებული იყო რუსეთის პრეზიდენტის საგრანტო ფონდის მიერ. ფორუმის ფარგლებში გამართული კონფერენცია „მედიის როლი რეგიონში ნდობის გამყარების საქმეში“, საპროტესტო აქციის ფონზე მიმდინარეობდა, რომლის მთავარი ლოზუნგიც იყო „რუსეთი-ოკუპანტია“