პოლიტიკა

როცა პარლამენტში მსხდომი ყოველი მესამე ადამიანი ბიზნესმენია, მზად უნდა ვიყოთ, რომ ისინი თავისი ინტერესების შესაბამისად იმოქმედებენ - დავით უსუფაშვილი

„შენების მოძრაობის“ ლიდერმა დავით უსუფაშვილმა ქართულ პოლიტიკაში ბიზნესმენების ჩართულობაზე ისაუბრა. მისი თქმით, პრაქტიკა აჩვენებს, რომ ისინი ხშირ შემთხვევაში თავისი ბიზნესინტერესებიდან გამომდინარე მოქმედებენ.

„მე მგონია, რომ საბედისწერო შეცდომა „ქართული ოცნების“ ლიდერმა გიორგი კვირიკაშვილმა, სხვა ადამიანებმა, რომლებიც მონაწილეობდნენ ამ საკითხში, დაუშვეს მაშინ, როდესაც 2016 წლის საპარლამენტო არჩევნებზე შემოგვთავაზეს პარტიული სია, რომლის ყოველი მესამე წარმომადგენელი მსხვილი ბიზნესმენია. ამ ადამიანებს არ მიუნიშნებიათ ჩვენთვის, რომ ისინი ბიზნესს ტოვებდნენ და პოლიტიკაში მიდიოდნენ. პირიქით, ისინი მუდმივად ამას ასხივებდნენ.

როდესაც პარლამენტში ყოველ მესამე სკამზე სხედან ადამიანები, რომლებიც ბიზნესმენობენ, მაშინ მზად უნდა იყვნენ იმისთვის, რომ ეს ხალხი თავისი ინტერესების შესაბამისად იმოქმედებს და თუ დაინახავენ, რომ სიომ სხვა მხრიდან დაბერა და რაღაც კარგად ვერაა, პირველი ეს ხალხი იქნება, ვინც დააცხრება, რომ მომავალი იყოს გარანტირებული“, -თქვა უსუფაშვილმა გადაცემა „360 გრადუსში“.

ანა მებურიშვილი